ქართული ხალხური სიმღერის სახელმწიფო ანსამბლი „ბასიანი” იტალიურ ტურნეში მიემგზავრება. 13-დან 21 ივნისამდე ანსამბლი სხვადასხვა ქალაქში ხუთ კონცერტს გამართავს.
ტურნეს ფარგლებში „ბასიანი” ქალაქ ტრენტოში გამართულ საერთაშორისო ფოლკლორული მუსიკის ფესტივალ DISCANTO-ს გახსნის. შემდეგ პრატოში გადაინაცვლებს, სადაც ქართული სიმღერისა და გალობის ანსამბლ „ივერიონთან” ერთად კონცერტს Duomo Di prato, di Santo Stefano-ს ტაძარში გამართავს. ტურნე პერუჯასა და ვენეტოში გაგრძელდება და 21 ივნისს გორიცაში დასრულდება.
ანსამბლი მონაწილეობას მიიღებს პრესტიჟულ ფესტივალებში, როგორებიცაა Internazionale di Musica Portogruaro და Piccolo Opera festival.
