ყველაფერი, რაც YE-ს შოუზე დასასწრებად უნდა იცოდეთ

სტადიონის კარი 16:00 საათიდან გაიღება, კონცერტი კი 21:00 საათზე დაიწყება.
YE
Starring Georgia

12 ივნისს, Starring Georgia-ს ორგანიზებით, თბილისში, „დინამო არენაზე“ მსოფლიო მუსიკალური ინდუსტრიის ერთ-ერთი ყველაზე გავლენიანი ფიგურა, კანიე უესტი, იგივე YE, ქართველი მსმენელის წინაშე წარდგება. ამერიკელი არტისტი გრანდიოზულ პერფორმანსს სპეციალურად მოწყობილ 360-გრადუსიან სცენაზე გამართავს, შოუს კი 70 000-მდე ადამიანი დაესწრება. სტადიონის კარი 16:00 საათიდან გაიღება, კონცერტი კი 21:00 საათზე დაიწყება. შოუს დაწყებამდე ტერიტორიაზე მისულ სტუმრებს სხვადასხვა გასართობი აქტივობა დახვდებათ.

იმისათვის, რომ კონცერტს შეუფერხებლად დაესწროთ, აუცილებელია წინასწარ გაეცნოთ საორგანიზაციო წესებს:

ტერიტორიაზე შესვლა მხოლოდ უნიკალური QR კოდის მქონე ვერიფიცირებული ბილეთებით არის შესაძლებელი და თითოეული ბილეთის გამოყენება მხოლოდ ერთხელ შეიძლება. ხალხის ნაკადის თავიდან ასარიდებლად, სასურველია წინასწარ შეამოწმოთ თქვენი ბილეთი და იცოდეთ კონკრეტულად რომელი შესასვლელით უნდა ისარგებლოთ. გაითვალისწინეთ, რომ ტერიტორიის დატოვების შემდეგ უკან ვეღარ დაბრუნდებით, ხოლო ორგანიზატორები პასუხისმგებლობას იხსნიან მესამე პირებისგან შეძენილ ბილეთებზე.

უსაფრთხოების ნორმებიდან გამომდინარე, ტერიტორიაზე აკრძალულია გარკვეული ნივთების შეტანა. საკონცერტო სივრცეში ვერ მოხვდებით ფოტოაპარატით, ვიდეოკამერით, საკვებით, ნებისმიერი სახის სითხითა და სითხის კონტეინერებით. ასევე აკრძალულია პიროტექნიკა, მეტალის საგნები და დიდი ზომის ნივთები. 

გაითვალისწინეთ, რომ სტადიონის ტერიტორიაზე მოქმედებს მხოლოდ უნაღდო ანგარიშსწორება, რაც იმას ნიშნავს, რომ გადახდას მხოლოდ საბანკო ბარათებით შეძლებთ.

შოუს დღეს, 07:00 საათიდან, სტადიონის მიმდებარე ქუჩებზე ავტოტრანსპორტის გადაადგილება შეიზღუდება. საცობების თავიდან ასარიდებლად ორგანიზატორები ყველას მოუწოდებენ, ისარგებლონ საზოგადოებრივი ტრანსპორტით. შეუფერხებელი გადაადგილებისთვის მეტრო და კონკრეტული ავტობუსები (N306, N308, N311, N315, N320, N327, N351, N381, N384, N386) მუშაობას 02:00 საათამდე გაახანგრძლივებენ.

შოუს დასრულების შემდეგ, 23:30 საათიდან, Rooms Garden-ში გაიმართება YE-ს ოფიციალური After Party, რომელსაც ამერიკელი არტისტი და პოდკასტერი Justin LaBoy უმასპინძლებს. გაითვალისწინეთ, რომ ნებისმიერი სხვა ღონისძიება, რომელიც ამ სახელით ვრცელდება, არ არის ვალიდური, ხოლო ოფიციალური წვეულების ლიმიტირებული ბილეთები იყიდება მხოლოდ პლატფორმაზე – tkt.ge/yzyafterparty. 

პროექტის მთავარი პარტნიორის, თიბისის ბარათებით გადახდისას მომხმარებლები 10%-იანი ფასდაკლებით ისარგებლებენ.

Share
Tweet
Share
Share
Share

Leave a Reply

წინა სტატია

ზეკა პაგოდინიო, რომარიო და ბებეტო: სამი ლეგენდა მუსიკაზე, ფეხბურთზე, ბრაზილიასა და წვეულებებზე საუბრობს

შემდეგი სტატია

ინტერნეტში თბილისში მყოფი კანიე უესტის პირველი კადრები ვრცელდება

შეიძლება დაგაინტერესოთ

The Weeknd - Hong Kong Evan Larsen/YouTube

The Weeknd-მა სიმღერისთვის Hong Kong  შთამბეჭდავი ვიდეოკლიპი გამოუშვა

ვიდეოში აბელი (The Weeknd) კარაოკეს მღერის და ჰონგ-კონგის ქუჩებში საკუთარ ფიქრებში ჩაძირული სეირნობს. კლიპში Cantopop-ის ლეგენდა ფეი ვონგი და ჩინელი სუპერმოდელი მინგ სი მონაწილეობენ.
მეტი
Red Bull Turn It Up - Tropic Ananana

Tropic Ananana – მუსიკა, იმპროვიზაცია და ბევრი გართობა Red Bull Turn It Up-ზე

„ჩემგან მხოლოდ ერთ რამეს უნდა ელოდოთ - ბევრ გართობას, ნაცნობ, საყვარელ მუსიკას და დასამახსოვრებელ საღამოს! მინდა, ყველამ მაქსიმალურად ისიამოვნოს ამ პროცესით. ზედმეტი სერიოზულობის გარეშე - Let's have fun“ - Tropic Ananana
მეტი

2027 წლის გრემის ნომინაციების საბოლოო პროგნოზი: წლის ჩანაწერი და წლის სიმღერა

რეკორდული წარმატების მქონე ჰიტს ორივე ჯილდოს მოპოვება შეუძლია, თუ მის უზარმაზარ პოპულარობას საპასუხოდ კრიტიკის ტალღა არ მოჰყვა.
მეტი
ნოელ და ლიამ გალაგერები ფილმის - Oasis: Don’t Look Back in Anger-ის პრემიერა, ვენეციის 83-ე საერთაშორისო კინოფესტივალი, 2026 წლის 5 სექტემბერი, ვენეცია Earl Gibson III/Deadline

როგორც ჩანს, Oasis როკ-ენ-როლის დიდების დარბაზში შეყვანის ცერემონიას არ დაესწრება

ნოელ გალაგერს ლონდონში კონცერტი აქვს დაგეგმილი, ლიამ გალაგერის თქმით კი, საშობაო პერიოდთან სიახლოვის გამო მოგზაურობა არ სურს.
მეტი

Red Bull Turn It Up პირველად საქართველოში – მუსიკალური შეჯიბრება 14 ნოემბერს გაიმართება

Red Bull Turn It Up-ის ღონისძიება ბეთლის ფორმატში ჩატარდება, გამარჯვებული კი 2027 წელს დუბლინში დაგეგმილ მსოფლიო ფინალში მიიღებს მონაწილეობას.
მეტი