დინამო არენაზე დაგეგმილი შოუს წინ, კანიე უესტი თბილისში დააფიქსირეს. ინტერნეტმომხმარებლების მიერ სოციალურ ქსელში გაზიარებულ სხვადასხვა ვიდეოში ჩანს, თუ როგორ ესტუმრა არტისტი ბიანკა ცენსორისთან ერთად სასტუმრო „სტამბას“.
სხვადასხვა ვიდეოში ასევე აღბეჭდილია „სტამბის“ დატოვების მომენტიც, რა დროსაც არტისტს დაცვის გუნდი მანქანამდე აცილებს.
სხვა ვიდეოებში YE სასტუმრო „პარაგრაფში“ შესვლის მომენტშია გადაღებული. ზოგიერთ კადრში ჩანს, რომ ის სასტუმროსთან შეკრებილ ადამიანებსაც მიესალმა.
აღსანიშნავია, რომ YE-ს თბილისში ვიზიტს თვალს ადევნებენ საერთაშორისო კრეატორებიც.
YE მსმენელის წინაშე 12 ივნისს „დინამო არენაზე“ წარდგება. „Starring Georgia“-ს ორგანიზებით გამართულ კონცერტს 70 000-მდე ადამიანი დაესწრება. სტადიონის კარი 16:00 საათიდან გაიღება, კონცერტი კი 21:00 საათზე დაიწყება.
