ცნობილი ბრიტანელი მსახიობი ტომ ჰარდი მუსიკალურ სამყაროს უბრუნდება. იგი თავის რეპ-ალტერეგოს, Frankie Pulitzer-ს, იგივე Face Puller-ს აცოცხლებს და ჰიპ-ჰოპ ჯგუფ CZARFACE-თან ერთად კოლაბორაციულ ალბომს უშვებს.
CZARFACE-ის შემადგენლობაში პროდიუსერი 7L, რეპერი Esoteric და ლეგენდარული Wu-Tang Clan-ის წევრი, Inspectah Deck შედიან.
ახალი პროექტი, სახელწოდებით – Czarface Meets Frankie Pulitzer 2026 წლის 28 აგვისტოს გამოვა. ალბომში ისეთი ვარსკვლავებიც მონაწილეობენ, როგორებიც არიან ბასტა რაიმსი, Method Man და EL-O. აღსანიშნავია, რომ რამდენიმე წლის წინ ბასტა რაიმსი ტომ ჰარდის გადასაღებ მოედანზე ესტუმრა და მათ ერთობლივი ფოტო გამოაქვეყნეს. ამ დროს მედიაში უკვე გაჩნდა ეჭვი მათი სამომავლო შემოქმედებითი თანამშრომლობის შესახებ.
არტისტებმა ალბომის პირველი სინგლი – Brothers Grimm უკვე გამოაქვეყნეს.
ეს არ არის პირველი შემთხვევა, როდესაც ჰარდი CZARFACE-თან თანამშრომლობს. მათი კოლაბორაცია ჯერ კიდევ 2021 წლიდან იწყება, როდესაც მსახიობმა მონაწილეობა მიიღო ჯგუფის EP-ში, სახელწოდებით – Good Guys, Bad Guys. ამ კოლაბორაციის რამდენიმე კომპოზიცია ჰარდის მონაწილეობით გადაღებული ფილმის Venom: Let There Be Carnage-ის საუნდტრეკადაც კი იქცა.
