კორძი, ლიკუნა თუთისანი, Mechanical Rainbow, ნიკალა და ლუკა ქიტიაშვილი ერთობლივ ნამუშევარს აზიარებენ. სიმღერა, სახელწოდებით Mango, მუსიკოსთა ფართო შემადგენლობის კოლაბორაციაა. როგორც კრედიტებში ვკითხულობთ, მუსიკის ავტორი ყველა ზემოთ ჩამოთვლილი არტისტია.
ქართულენოვან სიმღერაში ავტორების ეს მრავალფეროვნება კარგად ჩანს და მსმენელი მასში თითოეული მათგანის სავიზიტო ჟღერადობასაც ამოიცნობს. ნამუშევარს თან ახლავს განწყობის შემქმნელი ვიდეოკლიპიც, რომლის რეჟისორი მარიკა ეჯიბიაა. ვიდეოში არტისტთა ჯგუფი სრული შემადგენლობითაა წარმოდგენილი. მათგან კორძისა და Mechanical Rainbow-ს მსმენელი ხვალ Tbilisi Open Air-ზე იხილავს. არტისტები ფესტივალის მთავარ სცენაზე მეორე საფესტივალო დღის ფარგლებში წარდგებიან.
ნახეთ ვიდეოკლიპი სიმღერაზე Mango.
