Tbilisi Open Air 2026 გაიხსნა – პირველი საფესტივალო დღის მიმოხილვა

Tbilisi Open Air-ის გამხსნელი დღე ფესტივალის მთავარი ჰედლაინერის – Slowdive-ის პერფორმანსით დაიხურა.
Slowdive/Tbilisi Open Air
ფოტო: გიო მაჭავარიანი/Billboard Georgia

5 ივლისს Tbilisi Open Air 2026 გაიხსნა. ფესტივალი მსმენელს მე-15 საიუბილეო სეზონით დაუბრუნდა. მთავარმა სცენამ ტრადიციულად გააერთიანა ქართველი და უცხოელი შემსრულებლები.

ფესტივალის პირველი ნაწილი ქართველ შემსრულებლებს დაეთმო. მთავარ სცენაზე პირველი გამხსნელი აქტით მსმენელის წინაშე AlterVision-ის კონკურსის – Tbilisi Newcomers-ის გამარჯვებული, ალტერნატიული ჰიპ-ჰოპ მუსიკალური პროექტი – OCD წარდგა.

OCD/Tbilisi Open Air
ფოტო: ნინუცა კაკაბაძე/Billboard Georgia

ამის შემდეგ სცენაზე ქართული ალტერნატიული ბენდი Afternoon Version გამოვიდა. ბენდმა, რომელიც 1993 წელს ჩამოყალიბდა, შეასრულა სინგლები თავისი მრავალწლიანი დისკოგრაფიიდან.

Afternoon Version/Tbilisi Open Air
ფოტო: ნინუცა კაკაბაძე/Billboard Georgia

ფესტივალის მთავარ სცენაზე პირველი საერთაშორისო გამომსვლელი Tbilisi Open Air-ის ერთ-ერთი ჰედლაინერი, შვედი მუსიკოსი და სიმღერების ავტორი, ჯეი-ჯეი იოჰანსონი იყო. არტისტს ქართველი მსმენელი უკვე კარგად იცნობს, რადგან მან ბოლო 10 წელიწადში თბილისში არაერთი კონცერტი გამართა. ჯეი-ჯეი იოჰანსონის სეტლისტი მოიცავდა მის ისეთ ცნობილ ჰიტებს, როგორებიცაა: On the Radio, So Tell the Girl That I Am Back in Town, It Hurts Me So და სხვა. არტისტმა თავისი გამოსვლა დაასრულა Sex Pistols-ის ბასისტის, სიდ ვიშესის სიმღერის – My Way-ს ქავერ ვერსიით. აღსანიშნავია, რომ ჯეი-ჯეი იოჰანსონის პერფორმანსი აუდიტორიასთან კომუნიკაციით გამოირჩეოდა.

ჯეი-ჯეი იოჰანსონი/ Tbilisi Open Air
ფოტო: ნინუცა კაკაბაძე/Billboard Georgia

Tbilisi Open Air-ის გამხსნელ დღეს მსმენელმა ქართველი არტისტების კოლაბორაციაც იხილა – სცენაზე ბენდები MokuMoku და Skazz ერთობლივი პერფორმანსით წარდგნენ.

MokuMoku x SKAZZ/Tbilisi Open Air
ფოტო: ნინუცა კაკაბაძე/Billboard Georgia

ფესტივალის პირველი დღის ლაინაფის ნაწილი იყო გამორჩეული ქართული ინდი-როკ ბენდი Bedford Falls. ბენდმა ფესტივალის მსმენელისათვის, ძველ ჰიტებთან ერთად, შეასრულა სიმღერები ახალი ალბომიდან, რომელიც 2026 წლის მარტში გამოიცა.

Bedford Falls/Tbilisi Open Air
ფოტო: ნინუცა კაკაბაძე/Billboard Georgia

Tbilisi Open Air-ის გამხსნელი დღე ფესტივალის მთავარი ჰედლაინერის – Slowdive-ის პერფორმანსით დაიხურა. ბრიტანული შუგეიზის აღიარებული ბენდი, რომელიც 1989 წელს ჩამოყალიბდა, საქართველოს პირველად ეწვია.

Slowdive/Tbilisi Open Air
ფოტო: გიო მაჭავარიანი/Billboard Georgia

მთავარი სცენის დასრულების შემდეგ გაიხსნა Zion Garden და MZESUMZIRA-ს სცენა, რომელიც ფესტივალს წელს პირველად შეუერთდა. რაც შეეხება Zion Garden-ს, სცენა წელს 10 წლის იუბილეს აღნიშნავს და ამ თარიღის აღსანიშნავად ის მსოფლიოში ცნობილ პროდიუსერს, Ace Ventura-ს დაეთმო.

Tbilisi Open Air
ფოტო: გიო მაჭავარიანი/Billboard Georgia

წელს Tbilisi Open Air ორი დღის განმავლობაში გრძელდება. ფესტივალი 5 ივლისს დაიხურება.

Share
Tweet
Share
Share
Share

Leave a Reply

წინა სტატია

Mango – კორძი, ლიკუნა თუთისანი, Mechanical Rainbow, ნიკალა და ლუკა ქიტიაშვილი ერთობლივ ნამუშევარს აზიარებენ

შემდეგი სტატია

პოლ მაკარტნიმ ტეილორ სვიფტისა და ტრევის კელსის ქორწილში Beatles-ის კლასიკა გააცოცხლა

შეიძლება დაგაინტერესოთ

The Weeknd - Hong Kong Evan Larsen/YouTube

The Weeknd-მა სიმღერისთვის Hong Kong  შთამბეჭდავი ვიდეოკლიპი გამოუშვა

ვიდეოში აბელი (The Weeknd) კარაოკეს მღერის და ჰონგ-კონგის ქუჩებში საკუთარ ფიქრებში ჩაძირული სეირნობს. კლიპში Cantopop-ის ლეგენდა ფეი ვონგი და ჩინელი სუპერმოდელი მინგ სი მონაწილეობენ.
მეტი
Red Bull Turn It Up - Tropic Ananana

Tropic Ananana – მუსიკა, იმპროვიზაცია და ბევრი გართობა Red Bull Turn It Up-ზე

„ჩემგან მხოლოდ ერთ რამეს უნდა ელოდოთ - ბევრ გართობას, ნაცნობ, საყვარელ მუსიკას და დასამახსოვრებელ საღამოს! მინდა, ყველამ მაქსიმალურად ისიამოვნოს ამ პროცესით. ზედმეტი სერიოზულობის გარეშე - Let's have fun“ - Tropic Ananana
მეტი

2027 წლის გრემის ნომინაციების საბოლოო პროგნოზი: წლის ჩანაწერი და წლის სიმღერა

რეკორდული წარმატების მქონე ჰიტს ორივე ჯილდოს მოპოვება შეუძლია, თუ მის უზარმაზარ პოპულარობას საპასუხოდ კრიტიკის ტალღა არ მოჰყვა.
მეტი
ნოელ და ლიამ გალაგერები ფილმის - Oasis: Don’t Look Back in Anger-ის პრემიერა, ვენეციის 83-ე საერთაშორისო კინოფესტივალი, 2026 წლის 5 სექტემბერი, ვენეცია Earl Gibson III/Deadline

როგორც ჩანს, Oasis როკ-ენ-როლის დიდების დარბაზში შეყვანის ცერემონიას არ დაესწრება

ნოელ გალაგერს ლონდონში კონცერტი აქვს დაგეგმილი, ლიამ გალაგერის თქმით კი, საშობაო პერიოდთან სიახლოვის გამო მოგზაურობა არ სურს.
მეტი

Red Bull Turn It Up პირველად საქართველოში – მუსიკალური შეჯიბრება 14 ნოემბერს გაიმართება

Red Bull Turn It Up-ის ღონისძიება ბეთლის ფორმატში ჩატარდება, გამარჯვებული კი 2027 წელს დუბლინში დაგეგმილ მსოფლიო ფინალში მიიღებს მონაწილეობას.
მეტი