ბოლო პერიოდში სოციალურ ქსელებში განსაკუთრებული პოპულარობით სარგებლობს კომპოზიცია Take Me There, რომელიც TikTok-ის გლობალურ ჰიტად იქცა. სიმღერამ უკვე მიიპყრო საერთაშორისო აუდიტორიის ყურადღება – ის 10 მილიონზე მეტ ვიდეოშია გამოყენებული, მათ შორის მსოფლიოში ცნობილი კონტენტ კრეატორების მიერ.
Take Me There ევროპაში დაფუძნებული ქართველი ავტორისა და შემსრულებლის ნამუშევარია. არტისტი მუსიკალურ სამყაროში ცნობილია სასცენო ფსევდონიმით – DA TI.
სინგლი – Take Me There ოფიციალურად 2026 წლის 3 აპრილს გამოვიდა და მოკლე დროში მოიპოვა წარმატება. სიმღერის მუსიკალურ ვიდეოს YouTube-ზე უკვე 11 მილიონზე მეტი ნახვა აქვს.
აღსანიშნავია, რომ არტისტისთვის ეს პირველი საერთაშორისოდ წარმატებული ჩანაწერი არ არის. 2025 წელს DA TI-მ გამოუშვა EP, რომელმაც გლობალური მსმენელის დიდი მოწონება დაიმსახურა. მის დისკოგრაფიაში განსაკუთრებული პოპულარობით სარგებლობს ისეთი სინგლები, როგორებიცაა: Call Me Back Tonight, Something I Could, Purple Butterfly, Run Like Forrest Gump და სხვა.
