My Chemical Romance-მა The Black Parade-ის ხელახალი გამოცემის შემდეგ Billboard 200-ზე პირველი ადგილი დაიკავა

The Black Parade-ს ჩარტის სათავეში მოსახვედრად 20 წელი დასჭირდა – ეს კი ჩარტის ისტორიაში ერთ-ერთი ყველაზე ხანგრძლივი პერიოდია.
My Chemical Romance Courtesy Warner Chappell Music
My Chemical Romance
Courtesy Warner Chappell Music

My Chemical Romance-მა Billboard 200-ის ჩარტში პირველი ადგილი დაიკავა და ჯგუფის ისტორიაში პირველად მოიპოვა ალბომით ლიდერის პოზიცია. 7 ნოემბრით დათარიღებულ ჩარტში 2006 წელს გამოცემულმა The Black Parade-მა 139-ე ადგილიდან პირველ პოზიციაზე გადაინაცვლა. წარმატებას ალბომის 20 წლის იუბილესთან დაკავშირებული სპეციალური დელუქს-გამოცემის გამოშვება უძღოდა წინ. 

The Black Parade გამოსვლისთანავე  ჩარტში მეორე ადგილზე მოხვდა და მისი უმაღლესი პოზიციაც სწორედ ეს იყო. მიმდინარე კვირამდე ის ჯგუფის ყველაზე მაღალი პოზიციის მქონე ალბომად იყო ცნობილი. 

ალბომმა The Black Parade გამოსვლისთანავე Billboard 200-ის ჩარტში მეორე ადგილი დაიკავა, რაც იმ დროისთვის ალბომის საუკეთესო შედეგი იყო. მიმდინარე კვირამდე ის My Chemical Romance-ის ყველაზე მაღალ პოზიციაზე მყოფ ალბომად რჩებოდა.

ალბომის საიუბილეო გამოცემის შემდეგ, ხელახლა 20-ზე მეტი ფიზიკური ვერსია გახდა ხელმისაწვდომი, რომელიც ახალ ბონუს კომპოზიციებსაც მოიცავს. 

Luminate-ის მონაცემებით, ალბომმა აშშ-ში 78 000 ეკვივალენტური ერთეული დააგროვა, რაც წინა საანგარიშო პერიოდთან შედარებით 653%-იანი ზრდაა. აქედან 68 000 ერთეული ფიზიკურ და ციფრულ გაყიდვებზე მოდის, რაც ამ მაჩვენებლის 2 082%-იან ზრდას ნიშნავს.

ჯგუფი ალბომის 20 წლის იუბილესადმი მიძღვნილ ტურნეს 2025 წლის ივლისიდან მართავს. საკონცერტო სერიის დასკვნითი გამოსვლა 22 ნოემბერს ინდონეზიაში გაიმართება. ტურნეს ფარგლებში ჯგუფმა ოქტომბერში ლოს-ანჯელესის Hollywood Bowl-ის სცენაზეც გამართა ხუთი კონცერტი. 

The Black Parade-ს Billboard 200-ის ჩარტის სათავეში მოსახვედრად 20 წელი დასჭირდა, რაც ალბომის ისტორიაში პირველ ადგილამდე მიღწევის ყველაზე ხანგრძლივი პერიოდია. მანამდე რეკორდი ტობი კეითის კრებულს, 35 Biggest Hits-ს ეკუთვნოდა, რომელიც ჩარტის ლიდერი 2024 წელს, მომღერლის გარდაცვალების შემდეგ გახდა.

My Chemical Romance 2026 წელს უკვე მესამე არტისტია, რომელმაც Billboard 200-ის ჩარტში პირველი ადგილი სადებიუტო ალბომის გამოსვლიდან სულ მცირე 10 წლის შემდეგ დაიკავა. ჯგუფის შემთხვევაში, სადებიუტო ალბომის, Three Cheers for Sweet Revenge-ის (2004) გამოცემიდან პირველ ლიდერობამდე 22 წელი გავიდა.

სექტემბერში ჟენე აიკომი ალბომით Westside Whimsy Billboard 200-ის სათავეში პირველად მოექცა. მის სადებიუტო ალბომსა და ჩარტის პირველ ადგილს შორის 12 წელი და 10 თვე გავიდა. თებერვალში კი ჯგუფმა Megadeth-მა ამავე სახელწოდების ალბომით პირველად დაიკავა ჩარტის ლიდერი პოზიცია, ჯგუფის სადებიუტო ალბომის ჩარტში გამოჩენიდან თითქმის 40 წლის შემდეგ.

Billboard 200 ყოველკვირეულად აშშ-ში ყველაზე პოპულარულ ალბომებს აერთიანებს. ჩარტი Luminate-ის მონაცემებს ეყრდნობა და ეკვივალენტური ალბომის ერთეულებს აფასებს. ეს მაჩვენებელი სამ კომპონენტს მოიცავს: ალბომების გაყიდვებს, გაყიდული სიმღერებისა და სტრიმინგის ეკვივალენტურ რაოდენობას. 

2026 წლის 7 ნოემბრით დათარიღებული ჩარტის სრული ვერსია Billboard-ის ვებგვერდზე 3 ნოემბერს გამოქვეყნდება. ჩარტების შესახებ უახლესი ინფორმაციისთვის თვალი ადევნეთ Billboard-ისა და Billboard Charts-ის ოფიციალურ გვერდებს X-სა და Instagram-ზე.

The Black Parade-მა ბოლო საანგარიშო კვირაში 78 000 ეკვივალენტური ალბომის ერთეული დააგროვა. აქედან 68 000 ერთეული გაყიდვებზე მოდის, რაც წინა პერიოდთან შედარებით 2 082%-იანი ზრდაა. ამ შედეგით My Chemical Romance-მა Top Album Sales-ის ჩარტშიც პირველი ადგილი დაიკავა და რეიტინგის სათავეში პირველად მოექცა.

სტრიმინგის ეკვივალენტურმა ერთეულებმა 10 000 შეადგინა, რაც 34%-იანი ზრდაა და ალბომის სიმღერების 10.14 მილიონ ოფიციალურ მოსმენას შეესაბამება. სიმღერების გაყიდვებიდან მიღებული ეკვივალენტური ერთეულების რაოდენობა კი უმნიშვნელო იყო.

საანგარიშო კვირის განმავლობაში ალბომის 42 000 ვინილის ფირფიტა გაიყიდა, რაც ჯგუფის ისტორიაში ვინილის გაყიდვების საუკეთესო მაჩვენებელია. წარმატებას ხელი შეუწყო საიუბილეო გამოცემის 20-ზე მეტ ფიზიკურ ვერსიაში გამოშვებამ, მათ შორის ვინილის, CD-სა და კასეტის ფორმატებში. ხელმისაწვდომი იყო ასევე ალბომის ავტოგრაფული გამოცემებიც. 

The Black Parade-ში შესულია My Chemical Romance-ის Billboard Hot 100-ის ჩარტში ყველაზე მაღალი პოზიციის მქონე ჰიტი – Welcome to the Black Parade, რომელმაც 2007 წლის იანვარში მეცხრე ადგილი დაიკავა. ეს სიმღერა ჯგუფის ერთადერთი ნომერ პირველი ჰიტია Alternative Airplay-ის ჩარტში, სადაც My Chemical Romance-ს ჯამში შვიდი ტოპ ათეულის კომპოზიცია აქვს. Welcome to the Black Parade 2006 წლის ბოლოს ამ ჩარტის სათავეში შვიდი კვირის განმავლობაში რჩებოდა.

აღსანიშნავია, რომ The Black Parade-ის 139-ე ადგილიდან პირველ პოზიციაზე გადანაცვლება Billboard 200-ის ჩარტის სათავეში ყველაზე დიდი ნახტომია 2021 წლის შემდეგ. ამ წელს ტეილორ სვიფტის Fearless (Taylor’s Version)-მა 157-ე ადგილიდან პირველზე გადაინაცვლა და ლიდერის პოზიცია დაიბრუნა. ალბომის გაყიდვების ზრდას ხელი შეუწყო მისი ავტოგრაფული CD-ებისა და ვინილის ვერსიების გამოცემამაც.

The Black Parade 2026 წელს ხელახლა გამოცემულ ალბომებს შორის ერთ-ერთია, რომელმაც Billboard 200-ის საუკეთესო ათეულში მნიშვნელოვანი შედეგი აჩვენა. მანამდე ათეულში მოხვდნენ The Beatles-ის Rubber Soul – 17 ოქტომბრის ჩარტში – მეოთხე ადგილი, Mac Miller-ის The Divine Feminine -159-ე ადგილიდან მეათეზე გადაინაცვლა, ასევე 17 ოქტომბრის ჩარტში და Beyoncé-ს B’Day, რომელიც 19 სექტემბრის ჩარტში მერვე პოზიციაზე დაბრუნდა. 

უახლესი Billboard 200-ის ჩარტში მეორე-მეექვსე ადგილებზე ის ალბომებია, რომლებსაც წარსულში პირველი პოზიცია უკვე ჰქონდათ დაკავებული. ოლივია როდრიგოს you seem pretty sad for a girl so in love ერთი საფეხურით ჩამოქვეითდა და მე-2 ადგილზეა, მორგან უოლენის I’m the Problem სტაბილურად ინარჩუნებს მე-3 ადგილს ელა ლენგლის Dandelion უცვლელად რჩება მე-4 ადგილზე, ნოა კაჰანის The Great Divide 6-დან მე-5 ადგილზე დაწინაურდა, ხოლო ტეილორ სვიფტის The Life of a Showgirl 5-დან მე-6 პოზიციაზე ჩამოქვეითდა.

ზაკ ბრაიანის Young Manhood and Other Donatable Organs-მა მეორე ადგილიდან მეშვიდეზე გადაინაცვლა. ნოა კაჰანის Stick Season უცვლელად მე-8 ადგილზე, Drake-ის HABIBTI მე-7-დან მე-9 ადგილზე გადავიდა, ხოლო ოლივია დინის The Art of Loving 9-დან მე-10 პოზიციაზე მოხვდა. 

Billboard-ის ჩარტებისთვის მონაცემებს დამოუკიდებელი კომპანია Luminate ყოველკვირეული რეიტინგების შედგენისას მიღებულ მონაცემების საფუძველზე ამოწმებს და მათ სანდოობას ადასტურებს. Billboard-თან პარტნიორობით შემუშავებული კრიტერიუმების მიხედვით, საეჭვო ან დაუდასტურებელი მონაცემები ჩარტის საბოლოო გამოთვლამდე იფილტრება და რეიტინგის გამოქვეყნებისას არ ითვლება.

Share
Tweet
Share
Share
Share

Leave a Reply

წინა სტატია

ტექნოს პიონერი და ჯგუფ Cybotron-ის თანადამფუძნებელი ხუან ატკინსი 64 წლის ასაკში გარდაიცვალა

შემდეგი სტატია

მანანა დოიჯაშვილის სახელობის 28-ე საერთაშორისო ფესტივალი იწყება

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი