Sia-მ მენტალური ჯანმრთელობის შესახებ საჯაროდ ისაუბრა. პოდკასტის, სახელწოდებით Rob Has a Podcast ერთ-ერთ ეპიზოდში არტისტმა თქვა, რომ აუტისტური სპექტრი აქვს.
„ვფიქრობ, ვერავინ შეძლებს გიცნობდეს და უყვარდე, როდესაც საიდუმლოებებით და სირცხვილის გრძნობით ცხოვრობ“- თქვა Sia-მ. „45 წლის განმავლობაში ისე ვცხოვრებდი, თითქოს ვინიღბებოდი. მხოლოდ ბოლო ორი წელა, რაც ის გავხდი, ვინც ნამდვილად ვარ.“
2020 წელს Sia-მ დიდი კრიტიკა დაიმსახურა, როდესაც მსახიობი მედი ზიგლერი თავის სადებიუტო ფილმში აუტისტური სპექტრის მქონე პერსონაჟის როლზე დაამტკიცა. სოციალური ქსელების მომხმარებლები, მათ შორის არაერთი ცნობილი ადამიანი, მომღერალს იმის გამო აკრიტიკებდა, რომ გმირის როლზე შესაბამისი სპეციალური საჭიროებების მსახიობი არ დააკავა. მას შემდეგ რაც ამ გადაწყვეტილებას უარყოფითი შეფასებები მოჰყვა, Sia-მ საზოგადოებას ტვიტერის მეშვეობით მოუწოდა, რომ კრიტიკამდე ფილმი ენახათ.
ნახეთ პოდკასტის ეპიზოდი, რომელშიც Sia-მ აუტისტური სპექტრის შესახებ დიაგნოზზე ისაუბრა:
