დინამო არენაზე ბრუნო მარსის კონცერტი გაიმართა

კონცერტის მსვლელობისას ბრუნო მარსის ბენდის პიანისტმა „თბილისო“ შეასრულა.
ფოტო:Black Sea Arena


პირველ ოქტომბერს თბილისში ქართველი მსმენელის წინაშე თანამედროვე მსოფლიო მუსიკალური სცენის ერთ-ერთი წამყვანი ვარსკვლავი – ბრუნო მარსი წარდგა. კონცერტი დინამო არენაზე პროექტ Starring Georgia-ს ფარგლებში გაიმართა. მრავალათასიანი აუდიტორიისათვის ვარსკვლავმა თავისი რეპერტუარიდან არაერთი ცნობილი სიმღერა შეასრულა.

Ბრუნო მარსის კონცერტი გამოირჩეოდა შოუს ელემენტებით, სასცენო განათებით და იმ ენერგეტიკით, რასაც ვარსკვლავი თავის ბენდთან ერთად ქმნის. ბრუნო მარსის კონცერტზე არტისტის შემოქმედებიდან  სხვადასხვა  პერიოდის ისეთი ჰიტები გაჟღერდა, როგორებიც არის: Marry You, Uptown Funk, Grenade, Just the Way You Are და სხვები. 

აღსანიშნავია, რომ მუსიკოსს შოუს მსვლელობისას აუდიტორიასთან საკმაოდ ხშირი ინტერაქცია ჰქონდა. ქართველი მსმენელისათვის კონცერტის ყველაზე გამორჩეულ ნაწილად იქცა ის მომენტი, როდესაც ბრუნო მარსის ბენდის პიანისტმა „თბილისო“ შეასრულა. 

კონცერტის ბოლოს ბრუნო მარსმა ქართველ მსმენელს მადლობა გადაუხადა და საქართველოში დაბრუნების სურვილი გამოთქვა:

„საქართველო, ჩვენ ვისურვებდით, რომ უახლოეს მომავალში კვლავაც დავბრუნდეთ და თქვენთვის ვიმღეროთ. დიდი მადლობა, საქართველო!“ 

Share
Tweet
Share
Share
Share

წინა სტატია

BLACKPINK-ის ლისამ, სიმღერით Money, მსოფლიო რეკორდი დაამყარა

შემდეგი სტატია

მუსიკოსი დავით დათუნაშვილი ახალ ალბომს გამოსცემს

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი