კით რიჩარდსსა და მის მეუღლეს პატი ჰანსენს ქორწინების 40 წელი შეუსრულდათ. ამ თარიღის აღსანიშნავად Rolling Stones-ის მუსიკოსმა ინსტაგრამზე მათი ქორწილის ფოტო გამოაქვეყნა.
„პატრიციას, გილოცავ 40 წლის იუბილეს! მიყვარხარ. კითი,” – დააწერა რიჩარდსმა ფოტოს, სადაც ის და ჰანსენი, საქორწილო ტანსაცმელში გამოწყობილები, სანაპიროზე საქორწინო ტორტს ჭრიან.
ქორწინების იუბილეს ყოველწლიურად აღნიშვნა კით რიჩარდსისთვის უცხო არ არის. შარშან როკერმა, რომელსაც ორშაბათს 80 წელი შეუსრულდა, მისი და ჰანსენის ქორწილის კიდევ ერთი ფოტო გამოაქვეყნა, სადაც იგი მეუღლეს გიტარით ხელში სერენადას უმღერის. მაშინ მშობლებს ქორწინების იუბილე ქალიშვილმა თეოდორამაც მიულოცა. მან ინსტაგრამზე მშობლების საქორწინო კოცნის ფოტო დადო.
„წვეულება გვქონდა, სადაც აღვნიშნეთ მამას დაბადების დღე და ჩემი მშობლების ქორწინების 39 წლის იუბილე. Ძალიან ამაყი ვარ ამ ოჯახით. ერთად ბევრი რამ გამოვიარეთ, მაგრამ სიყვარული ისეთი ძლიერია, რომ მუდმივად წინ მივყავართ. მიყვარხართ, დედა და მამა. თქვენ ჩემი შთაგონება ხართ. და ბედნიერ დაბადების დღეს გისურვებ, ძვირფასო მამა,” – წერდა შარშან თეოდორა.
