ფარელმა ლუი ვიტონის ახალი კოლექციის შექმნა Tyler, the Creator-ს მიანდო

ფერადი კაფსულის კოლექცია 21 მარტს გამოვა.
Tyler, the Creator და ფარელ უილიამსი
Victor Boyko/GI For Kenzo

Tyler, the Creator ფარელის დიდი თაყვანისმცემელია იმისთვის, რისი მიღწევაც მან როგორც მუსიკის, ასევე მოდის სფეროში შეძლო. თავად ტაილერიც უკვე ათ წელზე მეტია, რაც ტანსაცმლის დიზაინს ქმნის საკუთარი ბრენდისთვის Golf Wang. თუმცა ფარელმა მას ცხოვრებისეული შესაძლებლობა მისცა. 

ფარელმა, რომელიც ლუი ვიტონის კაცის ხაზის კრეატიული დირექტორია, 2024 წლის გაზაფხულის კაფსულის კოლექციის შექმნა სწორედ მის Cash In, Cash Out-ის მეწყვილეს ანდო.

„წლებია, ტაილერი ჩემი ახლო მეგობარი და თანამშრომელია და ჩვენ ყოველთვის კავშირში ვართ როგორც მუსიკაში, ასევე დიზაინში,” – აღნიშნა ფარელმა გამოცემა GQ-სთან საუბრისას.  „ეს თანამშრომლობა უნიკალურია ლუი ვიტონისთვის, რადგან ეს არის LVERS-ის ფილოსოფიის ბუნებრივი განვრცობა. იმდენი ელემენტია კოლექციაში, რომელიც მხოლოდ ტაილერისთვისაა დამახასიათებელი. ძალიან შთამაგონებელია მისი ყურება და მასთან ერთად ამ კოლექციაზე მუშაობა.”

2024 წლის გაზაფხულის კოლექცია 21 მარტს გამოვა. კაფსულის კოლექცია მოიცავს ისეთ ტანსაცმელს, რომლებსაც თავად ტაილერი ატარებს, ეს იქნება ლურჯი V-ყელიანი ჟილეტი, პასტელური ფეხსაცმელი თუ ბერმუდა შორტები.

„ჩემი მთავარი მიზანი იყო, ისეთი ნივთები შემექმნა, რომლებსაც მე თვითონ სულ ჩავიცვამდი,” –  აღნიშნა ტაილერმა. „მე იმავეს ვიცვამ შეხვედრაზე, რასაც სცენაზე ან სუპერმარკეტში, ასე რომ ხელით დახატული მონოგრამები ჩემთვის საუკეთესო ბალანსი იყო.”

„ჭადრაკის დაფა ერთ-ერთი ყველაზე მაგარი რამაა, რაც ოდესმე შემიქმნია და ნამდვილად ჩემი ფავორიტია ამ კოლექციაში,”  – დაამატა მან. „გუნდი, რომელთანაც ვიმუშავე, არაჩვეულებრივია. ყველაფერი Big-ს ჰგავდა, ტომ ჰენკსის მონაწილეობით. ფარელი ყოველთვის მაძლევდა შესაძლებლობებს, მაგრამ ამის დაჯერება მაინც ჯერ კიდევ მიჭირს.”

ნახეთ ტაილერისა და ლუი ვიტონის კოლექციის ფოტოები:

Share
Tweet
Share
Share
Share

წინა სტატია

ლიემ გალაგერი და ნოელ გალაგერი ლონდონში. ფოტო: დეივ ჰოგანი

ლიემ გალაგერის თქმით მისმა ძმამ საიუბილეო ტურნეზე და საკმაოდ დიდი რაოდენობით თანხაზე უარი თქვა

შემდეგი სტატია

ლიონელ მესი საყვარელი სიმღერების სიას აქვეყნებს

შეიძლება დაგაინტერესოთ

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი

კურტ კობეინის კუთვნილი, MTV Unplugged-ის სახელით ცნობილი აკუსტიკური გიტარა ევროპაში პირველად გამოიფინება

გიტარის მოდელი, სახელწოდებით Martin D-18E ლონდონის სამეფო მუსიკალური კოლეჯის მუზეუმის გამოფენის ნაწილი იქნება.
მეტი
ფინეასი და ბილი აილიში, 2024 წლის 17 დეკემბერი, კალიფორნია

ბილი აილიშმა და ფინეასმა ახალი მენეჯმენტი დაიქირავეს

არტისტებმა თანამშრომლობა Sandbox Entertainment-ის ჯეისონ ოუენთან დაიწყეს, რომლის მუდმივ კლიენტებს შორის არიან კელსი ბალერინი და ქეისი მასგრეივსი
მეტი