31 მაისს, შეკვეთილის Black Sea Arena-ზე, ცნობილ როკ ჯგუფ Scorpions-ის კონცერტი გაიმართა. ბენდი ქართველი აუდიტორიის წინაშე პროექტ Starring Georgia-ს ფარგლებში წარდგა. Scorpions-ს მსმენელი განსაკუთრებით ელოდა, რისი ნათელი მაგალითიც სწორედ ის ფაქტია, რომ კონცერტზე დასასწრები ბილეთები 2 საათში სრულად გაიყიდა.
Scorpions ტრადიციისამებრ ძლიერი დინამიკით და მრავალფეროვანი მუსიკალური რეპერტუარით გამოირჩევა. ბენდმა Black Sea Arena-ს სცენაზე არაერთი ნაცნობი ჰიტი შეასრულა, რომლებმაც არა მხოლოდ ჯგუფის სტატუსი და გავლენა განსაზღვრა, არამედ როკ-მუსიკის ისტორიაშიც ჩაეწერა. ქართველი მსმენელისათვის განსაკუთრებით ამაღელვებელი იყო მომენტი, როცა სცენაზე მუსიკოსებმა ჩვენი ქვეყნის ეროვნული დროშის თანხლებით მათი მთავარი ჰიტი, Winds of Change შეასრულეს.
ბენდი ამჟამად მსოფლიო ტურნეში იმყოფება, რომელიც საქართველოსთან ერთად 20-მდე ქვეყანას მოიცავს. ტურნე შეერთებულ შტატებში დაიწყო და სექტემბერში გერმანიაში დასრულდება.
იხილეთ ფოტოები Scorpions-ის კონცერტიდან:
