კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
კამალა ჰარისი
Kevin Dietsch/Getty Images

მსოფლიოს მთელი ყურადღება ახლა ვიცე-პრეზიდენტ კამალა ჰარისზეა მიპყრობილი მას შემდეგ, რაც ჯო ბაიდენმა 21 ივლისს 2024 წლის საპრეზიდენტო არჩევნებიდან თავისი კანდიდატურის მოხსნის შესახებ განაცხადა და დემოკრატიული პარტიის ახალ საპრეზიდენტო კანდიდატად მხარი ჰარისს დაუჭირა. 22 ივლისს კი კამალა უკვე საპრეზიდენტო კამპანიის გუნდის შეხვედრაზე გამოჩნდა. ვიცე-პრეზიდენტმა სცენაზე ბიონსეს სიმღერა Freedom-ის ფონზე გაბედულად შეაბიჯა. 

სიმღერა Freedom, კენდრიკ ლამარის მონაწილეობით, შესულია ბიონსეს 2016 წლის Billboard 200-ის ლიდერ ალბომში Lemonade. 

კამალა ჰარისის საპრეზიდენტო კამპანიაზე საჯარო კომენტარი არ გაუკეთებია თავად ბიონსეს. თუმცა ახალ ამბავს გამოეხმაურა მომღერლის დედა: „ახალი, სიცოცხლით სავსე, მკაფიო ენერგია!!! თქვენ ეს მოითხოვეთ და ჩვენმა პრეზიდენტმა ბაიდენმა გააკეთა ის, რაც საუკეთესო იყო ქვეყნისთვის! მან თავისი ეგო, ძალაუფლება და ცნობადობა გვერდით გადადო. სწორედ ეს არის დიდი ლიდერის განსაზღვრება. მადლობა, პრეზიდენტო ბაიდენ, თქვენი ლიდერობისა და მსახურებისთვის. წინ, ვიცე-პრეზიდენტო კამალა ჰარის, პრეზიდენტობისთვის,” – დაწერა ტინა ნოულზმა და ბიონსეს ტურნეს დროს ჰარისთან ერთად გადაღებული ფოტო გამოაქვეყნა. 

კამალა ჰარისი ბიონსეს კონცერტს გასულ აგვისტოს მეუღლესთან ერთად დაესწრო. NBC-ის თანახმად, მომღერალმა ვიცე-პრეზიდენტს პირადად აჩუქა 1655 დოლარის ღირებულების ორი ბილეთი.

ნახეთ კამალა ჰარისის შემოსვლა (5:23) ბიონსეს სიმღერაზე:

Share
Tweet
Share
Share
Share

წინა სტატია

ინტერვიუ მურმან წულაძესთან

შემდეგი სტატია

დრეიკის ფანები კენდრიკ ლამარს ახალი ვიდეო თამაშით დაუპირისპირდნენ

შეიძლება დაგაინტერესოთ

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი