ალექსანდრ კანტოროვი – პიანისტი, რომელმაც პარიზის ოლიმპური თამაშების გახსნის ცერემონიაზე დაუკრა, წინანდლის ფესტივალზე წარდგება

ფესტივალის ფარგლებში კანტოროვი 6 და 7 სექტემბერს დაუკრავს.
ალექსანდრ კანტოროვი

პარიზის ოლიმპიური თამაშების გახსნის გრანდიოზულ ცერემონიაზე ერთ-ერთი დასამახსოვრებელი მომენტი ფრანგი პიანისტის, ალექსანდრ კანტოროვის გამოსვლა იყო. პიანისტმა კოკისპირულ წვიმაში მორის რაველის ცნობილი საფორტეპიანო ნაწარმოები „წყლის თამაშები” (Jeux d’eau) შეასრულა. 

ამ დღეს ალექსანდრ კანტოროვმა თავი მსოფლიოს მასშტაბით ასობით მილიონ ადამიანს გააცნო. თუმცა ქართველი მუსიკის მოყვარულები მას წინანდლის ფესტივალიდან უკვე იცნობენ. 

კანტოროვი პირველად საქართველოს 2020 წელს სწორედ კლასიკური მუსიკის ფესტივალის ფარგლებში ეწვია. წელს კი პიანისტი წინანდლის ფესტივალის სცენაზე უკვე მეორედ წარდგება.

„პოეტური შარმის მქონე ვირტუოზი” – როგორც მას ბრიტანული მუსიკალური ჟურნალი Gramophone მოიხსენიებს, არაერთი პრესტიჟული ჯილდოს მფლობელია. 22 წლის ასაკში ის გახდა პირველი ფრანგი პიანისტი, რომელმაც ჩაიკოვსკის სახელობის კონკურსზე ოქროს მედალი და გრან-პრი მოიპოვა. 2023 წელს კი გახდა ერთ-ერთი ყველაზე პრესტიჟული საერთაშორისო საფორტეპიანო ჯილდოს, Gilmore Artist Award-ის მფლობელი. კანტოროვი ისტორიაში პირველი ფრანგი და ამავდროულად ყველაზე ახალგაზრდა პიანისტია, რომელმაც ეს ჯილდო მიიღო. კრიტიკოსები მას ლისტის რეინკარნაციასაც უწოდებენ.

კანტაროვი უკრავს მსოფლიოში ცნობილ ორკესტრებთან ისეთ საკონცერტო დარბაზებში, როგორებიცაა კარნეგი-ჰოლი, ამსტერდამის კონცერტგებაუ, ვენის კონცერტჰაუსი, პარიზის ფილარმონია, ბრიუსელის ბოზარი, ტოკიოს ოპერა და ა.შ. ამ სცენებს შორისაა წინანდლის ფესტივალიც, სადაც ფრანგი პიანისტი წელს უკვე მეორედ წარდგება. 

ფესტივალის ფარგლებში კანტოროვი 6 და 7 სექტემბერს ორ კონცერტს გამართავს. 6 სექტემბერს პიანისტი, ვასილი პეტრენკოს დირიჟორობით, პან-კავკასიურ ორკესტრთან ერთად დაუკრავს. შესრულდება ჩაიკოვსკისა და რახმანინოვის ნაწარმოებები. 7 სექტემბერს კი ალექსანდრ კანტოროვი ქართველი მსმენელის წინაშე უკვე სოლო კონცერტით წარდგება. 

წინანდლის კლასიკური მუსიკის ფესტივალი 2024 31 აგვისტოდან 8 სექტემბრამდე, ტრადიციულად, წინანდლის მამულში გაიმართება.

Share
Tweet
Share
Share
Share

წინა სტატია

კამალა ჰარისის მხარდამჭერებთან შეხვედრაზე მუსიკალურ პერფორმანსს Megan Thee Stallion გამართავს

შემდეგი სტატია

ლადო ბურდულის დაბადების დღე „ლადოს კიდობანში”

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი