26 ივლისს ლადო ბურდულმა 60 წლის იუბილე აღნიშნა. დაბადების დღე, ტრადიციულად, „ლადოს კიდობანში” გაიმართა და მას მუსიკალური ღონისძიების ფორმა ჰქონდა. სტუმრების წინაშე ქართველი მუსიკოსები წარდგნენ. საღამოზე რამდენიმე სიმღერა შეასრულა თავად იუბილარმაც.
პროექტი „ლადოს კიდობანი” სათავეს 1984 წლიდან იღებს, როცა ლადო ბურდულმა საკუთარი სახლი კულტურული ღონისძიებების ცენტრად აქცია. ეს იყო სივრცე, სადაც ხელოვნების სფეროს წარმომადგენლები ერთმანეთს საკუთარ შემოქმედებას უზიარებდნენ. „ლადოს კიდობანმა” განსაკუთრებით დიდი როლი ითამაშა 90-იანი წლების რთული პოლიტიკური და ეკონომიკური ვითარების ფონზე ქვეყანაში ალტერნატიული, დასავლური კულტურის განვითარებაში.
ნახეთ ვიდეო ლადო ბურდულის 60 წლის იუბილედან:
