ანუშკა ჩხეიძის საკონცერტო ჩანაწერი ARTE CONCERT-მა გადასცა

პერფორმანსი ჩაწერილია ფესტივალ Europavox-ზე, რომელიც წელს საფრანგეთში, კლერმონდ-ფერანდში ჩატარდა.
ფოტო: CLFD Capture

ქართველი არტისტის, ანუშკა ჩხეიძის მუსიკალური პერფორმანსის ჩანაწერი მაყურებელმა ავტორიტეტული ფრანგულ-გერმანული სატელევიზიო არხის, ARTE CONCERT-ის ეთერში იხილა. გამოსვლა ჩაწერილია ფესტივალ Europavox-ზე, რომელიც წელს საფრანგეთში, კლერმონდ-ფერანდში ჩატარდა.

Europavox-თან და ARTE CONCERT-თან თანამშრომლობის შესახებ Billboard Georgia ანუშკა ჩხეიძეს ესაუბრა. 

ანუშკა ჩხეიძე:

„Europavox არის მუსიკალური პლატფორმა, რომელიც სხვადასხვა ქვეყანაში ტარდება. მე კლერმონდ-ფერანდში გამართული ფესტივალის მონაწილე ვიყავი. ფესტივალის გამართვამდე ერთი თვით ადრე გაირკვა, რომ ლაივების  გადაღებით ARTE CONCERT იყო დაინტერესებული. გადაწყდა, რომ რამდენიმე მუსიკალურ აქტს გადაიღებდნენ. ის ფაქტი, რომ  ARTE CONCERT ჩემს მუსიკალურ პერფორმანსს გადაიღებდა, ძალიან სასიხარულო იყო. როცა კონცერტი დასრულდა, გადამღები ჯგუფი ჩემთან მოვიდა და მითხრა, რომ ყველაფერმა კარგად ჩაიარა. ამის მოსმენა განსაკუთრებით სასიამოვნო იყო.”

ფოტო: CLFD Capture

როგორც ანუშკა ჩხეიძე ამბობს, Europavox-ზე დაკვრა  მისთვის, როგორც არტისტისთვის, საინტერესო და გამორჩეული გამოცდილება იყო. ეს კი უპირველეს ყოვლისა აუდიტორიამ განსაზღვრა. 

„Europavox-ზე ერთ-ერთი საუკეთესო აუდიტორია  დამხვდა. იმდენად სასიამოვნო დინამიკა შეიქმნა, რომ ნერვიულობა მომეხსნა,” – ამბობს მუსიკოსი. 

რაც შეეხება ანუშკა ჩხეიძის სამომავლო გეგმებს, უახლოესი ორი თვის განმავლობაში არტისტი ევროპის რამდენიმე ქალაქში დაუკრავს. Haldern Pop Festival, Pop Kultur Festival, Draaimolen – ეს იმ ფესტივალების ჩამონათვალია, რომლებზეც ქართველი არტისტი გამოვა.

Share
Tweet
Share
Share
Share

წინა სტატია

Snoop Dogg მხატვრული ტანვარჯიშის ქალთა შეჯიბრს ესწრება. ფოტო: არტურო ჰოლმსი

Snoop Dogg-ის იმპროვიზირებული ცეკვა სიმონ ბაილსთან ერთად პარიზის ოლიმპიადაზე

შემდეგი სტატია

17 აგვისტოს „სოციალური სივრცე” ფესტივალს All Day I Dream უმასპინძლებს

შეიძლება დაგაინტერესოთ

ქარდი ბი მის წინააღმდეგ შეტანილ სარჩელს პასუხობს: „სასამართლოში შევხვდებით”

„პრობლემა ის არის, რომ ადამიანებს ახლა თავის დაძვრენა სურთ, მაგრამ გააუთოვეთ თქვენი საუკეთესო კოსტიუმები, რადგან სასამართლოში შევხვდებით!!!!”
მეტი

Super Bowl-ის მუსიკალური შოუს პროდიუსერის თქმით, ჰედლაინერზე საბოლოო გადაწყვეტილება ჯეი ზის ეკუთვნის

ბოლო დღეებია ინტერნეტში აქტიურად განიხილებოდა ის, რომ 2025 წლის Super Bowl მუსიკალურად ლილ უეინს უნდა გაეფორმებინა, რადგან მატჩი ახალ ორლეანში, უეინის მშობლიურ ქალაქში იმართება.
მეტი

დონალდ ტრამპი სოციალურ ქსელში წერს, რომ მას ტეილორ სვიფტი სძულს

სვიფტს პერსონალურად ტრამპის საწინააღმდეგო განცხადება არ გაუვრცელებია. მან თავის ფანებს არჩევნებში რეგისტრაციისაკენ მოუწოდა.
მეტი