28 ივლისს გავრცელებულ ვიდეოში, აშშ-ს ქალ ტანვარჯიშის საკვალიფიკაციო შეჯიბრის დროს, სიმონ ბაილსი თანაგუნდელ ჯორდან ჩაილსს ტრიბუნაზე მყოფ ადამიანზე მიუთითებს. NBC-ის დიქტორები ინტერესდებიან, თუ რატომ დაიწყეს სპორტსმენებმა მოულოდნელად ცეკვა, რა დროსაც კამერაში ჩანს, რომ აუდიტორიაში მყოფმა Snoop Dogg-მა მათი ყურადღება იმპროვიზირებული ცეკვით მიიპყრო.
„არის ვინმე, ვინც Snoop Dogg-ზე მეტად ერთობა?“ – კითხულობს რეპორტიორი.
შეჯიბრზე Snoop Dogg აქტიურად უჭერდა მხარს ტანმოვარჯიშეებს. მას სიმონ ბაილსის გამოსახულების მაისურიც კი ეცვა. Ამ დღეს ტანმოვარჯიშეთა შეჯიბრი ოქროს მედალოსანი სიმონე ბაილსის გამარჯვებით დასრულდა, რომელიც პირველ ადგილზე გავიდა, მისი თანაგუნდელი სუნი ლი კი მეორე ადგილზე. ჯამში აშშ-ის გუნდმა 172, 296 ქულა მოაგროვა და ფინალში გადავიდა.
Snoop Dogg პარიზში ოლიმპიურ თამაშებს NBC-ის კორესპონდენტის სახით მომდევნო ორი კვირის განმავლობაში დაესწრება. ღონისძიების გახსნის დღეს რეპერმა ჩირაღდნის ესტაფეტაშიც მიიღო მონაწილეობა.
