ქარდი ბი მის წინააღმდეგ შეტანილ სარჩელს პასუხობს: „სასამართლოში შევხვდებით”

„პრობლემა ის არის, რომ ადამიანებს ახლა თავის დაძვრენა სურთ, მაგრამ გააუთოვეთ თქვენი საუკეთესო კოსტიუმები, რადგან სასამართლოში შევხვდებით!!!!”
ქარდი ბი
Lionel Hahn/Getty Images

ქარდი ბი უკან დახევას არ აპირებს სასამართლო დავაში, რომელშიც ის მეუღლესთან, Offset-თან ერთადაა დადანაშაულებული. საქმე ეხება ვიდეოკლიპის გადაღებისთვის მათ მიერ დაქირავებულ სახლს, რომლის მეპატრონეებიც ამტკიცებენ, რომ მუსიკოსებმა მათ სათანადო თანხა არ გადაუხადეს. 

რეპერმა ბრალდებას სოციალურ ქსელში უპასუხა:

„ჩვენ ამ ადამიანებს 10 000 დოლარი გადავუხადეთ იმისთვის, რომ მათი სახლი გვექირავებინა 24 საათით – დილის 6 საათიდან მეორე დილის 6 საათამდე. დათქმულ დროს მხოლოდ ერთი საათი გადავაცილეთ, რისთვისაც კიდევ დამატებითი თანხა გადავუხადეთ უძრავი ქონების აგენტს,” – წერს ქარდი ბი ტვიტერზე. „ახლა კი ისინი ცდილობენ დაამტკიცონ, თითქოს ჩვენ მათ ვუთხარით, რომ ტიკტოკის ვიდეოს ვიღებდით, რაც კონტრაქტში არსად ფიქსირდება. მათ თავად მოუსმინეს სიმღერას და თავადვე ნახეს, თუ რამდენი ხანი ვიღებდით ვიდეოს… რატომ დაგვჭირდებოდა 24 საათი ტიკტოკის ვიდეოს გადასაღებად?”

11-გვერდიანი საჩივრის მიხედვით, ჰიპ-ჰოპ ვარსკვლავებმა მიზანში ამოიღეს სასურველი სახლი და შეთხზეს გეგმა, რათა ქონება მისი სრული საბაზრო ღირებულების გადახდის გარეშე გამოეყენებინათ.

მომჩივნები ამტკიცებენ, რომ მუსიკოსების წარმომადგენლებმა სახლი ანონიმურად დაჯავშნეს მცდარი მიზნით – რომ მას ტიკტოკის ვიდეოსთვის გამოიყენებდნენ. 

ქარდი ბიმ გამოწვევა მიიღო და ბრძოლისთვის მზადაა: „პრობლემა ის არის, რომ ადამიანებს ახლა თავის დაძვრენა სურთ, მაგრამ გააუთოვეთ თქვენი საუკეთესო კოსტიუმები, რადგან სასამართლოში შევხვდებით!!!!” – წერს რეპერი.

ცალკე პოსტში კი აღნიშნავს: „ეს არ არის აგენტების ბრალი… ისინი თვეებია, საქმის მოგვარებას ცდილობენ. ეს ხარბი მეპატრონეები არიან თავიანთი მახინჯი სახლით.”

სარჩელი ლოს-ანჯელესის უზენაეს სასამართლოში შევიდა. მასში წერია, რომ მუსიკალურმა ვიდეომ Like What, რომელიც აღნიშნულ სახლში გადაიღეს, გამოშვებიდან 6 თვის განმავლობაში იუთუბზე 26 მილიონ ნახვაზე მეტი დააგროვა. 

ეს ქარდი ბისა და Offset-სთვის საკმაოდ დატვირთული პერიოდია. 7 სექტემბერს წყვილს მესამე შვილი შეეძინა. რეპერმა მესამე ორსულობა აგვისტოში გაამხილა – იმავე დღეს, როცა „ბილბორდმა” დაადასტურა, რომ მან Offset-თან განქორწინება მეორედ მოითხოვა.

Share
Tweet
Share
Share
Share

Leave a Reply

წინა სტატია

Eko & Vinda Folio-მ ორი ახალი სინგლი გამოუშვა

შემდეგი სტატია

გვენ სტეფანი მეხუთე სტუდიურ ალბომს აანონსებს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი