გიორგი ერგემლიძემ ახალი სინგლი და მასზე გადაღებული ვიდეოკლიპი გააზიარა. Secret Admirers – ასე ჰქვია სიმღერას, რომლის ქრონომეტრაჟიც 1:55 წუთს შეადგენს. როგორც თავად მუსიკოსი ამბობს, ნამუშევარი ერთგვარ ექსპერიმენტს წარმოადგენს, რომელიც რეტრო და თანამედროვე ჟღერადობას აერთიანებს.
გიორგი ერგემლიძე:
„მიუხედავად იმისა, რომ სიმღერა სულ 1:55 წუთია, ძალიან ბევრი დრო დამჭირდა მის ბოლომდე მისაყვანად. ვფიქრობ, ალბომისთვის მისი 3-წუთიანი ვერსიაც შევქმნა. კლიპს რაც შეეხება, მინდოდა, მარტივი და ეფექტური ვიდეო გამეკეთებინა იმ რეალობაზე, სადაც ვარ და რაც ქალაქში ხდება, ჩემი პერსპექტივიდან. მეგობრების დახმარებით შევძელი ამ იდეის განხორციელება და ზუსტად ის შედეგი მივიღე, რაც ჩაფიქრებული მქონდა.”
Secret Admirers ერთ-ერთი სიმღერაა, რომელიც გიორგი ეგრემლიძის მომავალ EP-იში შევა. მანამდე კი მუსიკოსი კიდევ ერთი სინგლის გამოცემას გეგმავს.
