ალბომ Chromakopia-ს ერთი წლის იუბილეზე Tyler, The Creator მის დელუქს ვერსიას გამოსცემს

ალბომს Chromakopia+ სიმღერა Mother დაემატება.
Tyler, the Creator
ARTURO HOLMES/GETTY IMAGES

Tyler, The Creator-მა Chromakopia-ს კიდევ ერთი სიმღერა დაამატა –  Mother. რეპერის თქმით, ის სულ პირველი კომპოზიციაა, რომელიც მისი მერვე ალბომისთვის შეიქმნა, თუმცა ბოლო მომენტში ჩანაწერის თავდაპირველი ვერსიიდან ამოვარდა. 

ინსტაგრამის პოსტში რეპერი საკუთარ ბავშვობას იხსენებს, როცა 2020 წელს თავის უბანში ველოსიპედს ატარებდა და სვამს კითხვას, თუ რას ნიშნავს სახლი. „ეს გრძნობაა, რომელსაც თან ვატარებ, თუ კონკრეტული ადგილია? დედაჩემთან საუბრების შემდეგ ისეთი რაღაცები აღმოვაჩინე, რაც სრულიად ეწინააღმდეგებოდა იმ ნარატივს, რაც გონებაში მქონდა აგებული,” – წერს მუსიკოსი მისი და დედამისის ძველი ფოტოს ქვეშ. 

ტაილერის თქმით, Mother ალბომის ძირითადი ნამუშევარია, Chromakopia კი – ერთგვარი დღიური. „აქ არის რაღაცები, რასაც მანამდეც შევხებივარ, რაღაცები, რასაც – არა, არის მონოგამიის ზეწოლა, მამობის შიში, ის, თუ რას ვფიქრობდი ჩემს თმაზე, სექსუალური თავისუფლების განსჯა, ჩემი პარანოია და ა.შ. არაფერი ზედმეტად ღრმა ან გიჟური, უბრალოდ ფიქრები, რომლებიც სულ მეორდება,” – ამბობს რეპერი.

„Chromakopia-მ იმ ადგილამდე მიმიყვანა, სადაც სხვა ალბომებმა ვერა. 15 წელია, ამ საქმეში ვარ და ახლა ყველაზე დიდებული პერიოდი მაქვს. გაოცებული ვარ ამ წარმატებით… ერთი წელი გავიდა გამოცემიდან, დრო გარბის. ვისაც ეს ნამუშევარი გიყვართ, მიამბეთ მის შესახებ. იმედი მაქვს, რაღაც მნიშვნელოვანი დატვირთვა აქვს თქვენს ცხოვრებაში. “

ტაილერმა Chromakopia ერთი წლის წინ, 2025 წლის 28 ოქტომბერს გამოსცა. 14-სიმღერიანმა პროექტმა სამი კვირა გაატარა Billboard 200-ის ლიდერის პოზიციაზე და ტოპ ათეულის სამი ჰიტი დააგროვა: Noid (მეათე ადგილი), St. Chroma (მეშვიდე ადგილი) და Sticky (მეათე ადგილი). ის ასევე ტაილერის ყველაზე წარმატებული ალბომი გამოდგა პირველი კვირის გაყიდვების მაჩვენებლით, მიუხედავად იმისა, რომ არატრადიციულ დღეს, ორშაბათს გამოვიდა და მხოლოდ ოთხი დღე ჰქონდა პირველი კვირის აქტივობისთვის.

რეპერმა ინსტაგრამზე დაწერა, რომ სურდა, Chromakopia მისი ბოლო ალბომი ყოფილიყო ხანგრძლივი პერიოდის განმავლობაში. „გამოუშვი ალბომი, გააკეთე დიდი ტურნე, ახლა კი გაქრი და მხოლოდ ფილმებში გამოჩნდი. ნახე, თუ როგორია ცხოვრება იმ გრძნობის გარეშე, როცა საქმე ყოველთვის გონებაშია. მაგრამ ეს რთულია, რადგან ამის კეთება მიყვარს.”

თუმცა, ამ განზრახვის მიუხედავად, ივლისში მან მეცხრე სტუდიური ალბომი Don’t Tap the Glass გამოსცა, რომელიც ასევე გახდა Billboard 200-ის ლიდერი. ამ ეტაპზე ტაილერი სადებიუტო კინოროლზე მუშაობს ფილმში Marty Supreme, სადაც პარტნიორობას ტიმოთი შალამეს უწევს. 

ნახეთ ტაილერის პოსტი და მოუსმინეთ სიმღერას Mother:

Share
Tweet
Share
Share
Share

Leave a Reply

წინა სტატია

შაკირა და The Weeknd FIFA-სა და Global Citizen-ის საგანმანათლებლო საბჭოს შეუერთდნენ

შემდეგი სტატია

Cardi B 2025 წლის 9 ოქტომბერი, ჰოლივუდი, კალიფორნია. ემი სუსმენი/Getty Image

Cardi B-ის თქმით ის ახალი ალბომის გამოცემას 2026 წელს გეგმავს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი