ტეილორ სვიფტის თქმით, პოლ მაკარტნი მისთვის მუდმივი შთაგონების წყაროა და მის ახალ ალბომს უმაღლეს შეფასებას აძლევს

ტეილორ სვიფტი გრემის 67-ე ყოველწლიურ დაჯილდოებაზე, 2025 წლის 2 თებერვალი, ლოს ანჯელესი Matt Winkelmeyer/Getty Images
ტეილორ სვიფტი გრემის 67-ე ყოველწლიურ დაჯილდოებაზე, 2025 წლის 2 თებერვალი, ლოს ანჯელესი
Matt Winkelmeyer/Getty Images

მიუხედავად იმისა, რომ ტეილორ სვიფტი ამ კვირაში თავადაც ახალი მუსიკალური რელიზისთვის ემზადება, მან დრო მაინც გამონახა და ინსტაგრამზე ლეგენდარული The Beatles-ის წევრის, პოლ მაკარტნის ახალ პროექტს სრული მხარდაჭერა გამოუცხადა.

სუპერვარსკვლავმა პოლ მაკარტნის ალბომი გააზიარა, რასაც ემოციური გზავნილიც დაურთო: „ამ მარადიულად გამორჩეული არტისტისგან შთაგონება არასოდეს მელევა.“ 

ეს არ არის პირველი შემთხვევა, როდესაც ტეილორ სვიფტისა და პოლ მაკარტნის გზები იკვეთება. ჯერ კიდევ 2015 წელს ისინი ერთად გამოჩნდნენ Saturday Night Live-ის მე-40 საიუბილეო წვეულებაზე, სადაც სცენაზე ერთობლივად შეასრულეს ჰიტი Shake It Off.

მოგვიანებით, 2020 წელს, მუსიკოსებმა ჟურნალ Rolling Stone-ისთვის ერთმანეთს ექსკლუზიური ინტერვიუ ჩამოართვეს და სიმღერების წერის შემოქმედებით პროცესზე ისაუბრეს. სწორედ მაშინ გაამხილა პოლ მაკარტნიმ, რომ გლასტონბერის ფესტივალზე ტეილორ სვიფტის სცენაზე მიწვევას გეგმავდა, თუმცა ეს მასშტაბური კონცერტი მოგვიანებით კოვიდ პანდემიის გამო გაუქმდა. 

„მართლა აპირებდით ჩემს მოწვევას?“ – ჰკითხა მაშინ ტეილორ სვიფტმა. „იმედი მქონდა, რომ დამთანხმდებოდი,“ – უპასუხა პოლ მაკარტნიმ. 

იმ პერიოდის შემდეგ,  The Boys of Dungeon Lane პოლ მაკარტნის პირველი სოლო ალბომია, ტეილორ სვიფტმა კი ამ წლების განმავლობაში ოთხი ხელახლა ჩაწერილი  და სამი საავტორო ალბომის გამოშვება მოასწრო. 

პოლ მაკარტნი VIP სტუმრის სტატუსით გამოჩნდა ტეილორ სვიფტის Eras Tour-ის ერთ-ერთ კონცერტზეც, რომელიც ლონდონის უემბლის სტადიონზე 2024 წელს გაიმართა. გულშემატკივრების მიერ გადაღებულ ვიდეოებში ჩანს, თუ როგორ ცეკვავს ის სიმღერაზე But Daddy I Love Him, რომელიც ტეილორ სვიფტის ალბომ The Tortured Poets Department-ის ერთ-ერთი გამორჩეული ტრეკია. 

5 ივნისს ტეილორ სვიფტი ახალი სიმღერის,  Knew It, I Knew You-ის გამოშვებას გეგმავს, რომელიც ანიმაციური ფილმის Toy Story 5-ის ოფიციალური საუნდტრეკია. 

Share
Tweet
Share
Share
Share

Leave a Reply

წინა სტატია

დეიმონ ოლბარნი local_tour_guide_georgia

Gorillaz-ის ვოკალისტი დეიმონ ოლბარნი საქართველოში იმყოფებოდა

შემდეგი სტატია

ბრიტნი სპირსი 2016 წლის MTV -ს დაჯილდოებაზე Anthony Harvey/Getty Images

ვარსკვლავების ცნობილმა სტილისტმა, კრის ეპლტონმა ბრიტნი სპირსს თმის ვარცხნილობა შეუცვალა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი