მსოფლიო ჩემპიონატის დახურვის ცერემონიაზე ჯენიფერ ჰადსონი, ნიკოლ შერზინგერი და სხვა ვარსკვლავები წარდგებიან

ღონისძიებაზე სპეციალური სტუმრის სტატუსით ტომ კრუზიც გამოჩნდება
ჯენიფერ ჰადსონი 2026 წლის 30 იანვარს, ლოს-ანჯელესში გამართულ MusiCares Person of the Year-ის დაჯილდოების ცერემონიაზე. ფოტო: Lester Cohen/Getty Images for The Recording Academy
ჯენიფერ ჰადსონი 2026 წლის 30 იანვარს, ლოს-ანჯელესში გამართულ MusiCares Person of the Year-ის დაჯილდოების ცერემონიაზე.
ფოტო: Lester Cohen/Getty Images for The Recording Academy

2026 წლის მსოფლიო ჩემპიონატის ფინალი ფეხბურთის გარდა, ვარსკვლავური მუსიკალური შოუთიც იქნება გამორჩეული. 14 ივლისს FIFA-მ დახურვის ცერემონიის მონაწილეთა სია გაამჟღავნა, რომელშიც არაერთი გლობალური მასშტაბის ვარსკვლავი ფიგურირებს.

მათ შორისაა ჯენიფერ ჰადსონი, რომელიც ერთ-ერთია იმ იშვიათ 22 არტისტთაგან, ვისაც პრესტიჟული EGOT-ის (ემი, გრემი, ოსკარი, ტონი) ჯილდო აქვს მიღებული.

FIFA-ს ინფორმაციით, ჰადსონი 19 ივლისს, ნიუ-ჯერსის შტატში, East Rutherford-ის MetLife -ის სტაადიონზე, მსოფლიო ჩემპიონატის ფინალის დაწყებამდე, აშშ-ის სახელმწიფო ჰიმნის, The Star-Spangled Banner-ის სპეციალურ ვერსიას შეასრულებს. 

მატჩისწინა ცერემონიაზე, რომელიც, FIFA-ს განცხადებით, საფეხბურთო ტურნირში მონაწილე „48 გუნდის დაუვიწყარ მოგზაურობას მიეძღვნება“, მაყურებლის წინაშე წარდგებიან მომღერლები: ნიკოლ შერზინგერი, ლაურა პაუზინი, რობი უილიამსი და პოპულარული არტისტი IShowSpeed. გარდა ამისა, ღონისძიებაზე სპეციალური სტუმრის სტატუსით სუპერვარსკვლავი ტომ კრუზიც გამოჩნდება.

„მადლობელი ვარ, რომ ამ დაუვიწყარ დღესასწაულში ვიღებ მონაწილეობას. ჩემთვის ეს დიდი პატივია! მალე შევხვდებით. #FIFAWorldCup“ – დაწერა ნიკოლ შერზინგერმა ინსტაგრამ სთორიში სიახლის გამოცხადების შემდეგ.

იტალიელმა მომღერალმა ლაურა პაუზინიმ, რომელმაც რობი უილიამსთან ერთად FIFA-ს 2025 წლის ოფიციალური ჰიმნი Desire ჩაწერა, ასევე გააზიარა თავისი ემოციები დახურვის ცერემონიაში მონაწილეობის შესახებ:

„ვამაყობ, რომ ამ გლობალური დღესასწაულის ნაწილი იტალიური ხმაც იქნება, რობისა და ნიკოლის გვერდით. მოუთმენლად ველი ამ განსაკუთრებული მომენტის გაზიარებას ფეხბურთის გულშემატკივრებთან ერთად, მთელი მსოფლიოს მასშტაბით.”

2026 წლის FIFA-ს მსოფლიო ჩემპიონატის საორგანიზაციო კომიტეტის მთავარმა აღმასრულებელმა დირექტორმა ჰაიმო შირგიმ დახურვის შოუსთან დაკავშირებით განაცხადა:

„გახსნის ცერემონიების მსგავსად, რომლებმაც მსოფლიო კანადის, მექსიკისა და აშშ-ის უდიდეს სცენაზე გააერთიანა, დახურვის ცერემონიაც მუსიკის, კულტურისა და ფეხბურთის მეშვეობით 2026 წლის მსოფლიო ჩემპიონატს ღირსეულად დაასრულებს. ეს ყველაფერი კი იმ დაძაბული მატჩის დაწყებამდე მოხდება, რომელიც ამ ისტორიული ტურნირის ჩემპიონს გამოავლენს“. 

თუმცა მსოფლიო ჩემპიონატის მუსიკალური ნაწილი მხოლოდ დახურვის ცერემონიით არ შემოიფარგლება. როგორც ადრე გამოცხადდა, ფინალური მატჩის შესვენების დროს, შოუს მთავარი შემსრულებლები იქნებიან: BTS, ჯასტინ ბიბერი, მადონა და შაკირა, ხოლო მუსიკალურ კონცეფციას Coldplay-ის ფრონტმენი კრის მარტინი წარუძღვება.

104 მატჩიანი მსოფლიო ჩემპიონატის დასასრულს ტიტულისთვის ოთხი ნაკრები იბრძოლებს: არგენტინა, ინგლისი, საფრანგეთი და ესპანეთი. ამ უკანასკნელი ორი ქვეყნის ნაკრები ერთმანეთს 14 ივლისს არლინგტონში, Dallas Stadium-ზე დაუპირისპირდა, ხოლო 15 ივლისს – ინგლისი და არგენტინა ერთმანეთს ატლანტას სტადიონზე შეხვდებიან.

ბრინჯაოს მედლისთვის ბრძოლა 18 ივლისს, ფლორიდაში, Miami Stadium-ზე გაიმართება. ხოლო მსოფლიო ჩემპიონატის ფინალი, სადაც 14 და 15 ივლისის მატჩების გამარჯვებულები ითამაშებენ, 19 ივლისს ნიუ-ჯერსის MetLife-ის სტადიონზე შედგება.

Share
Tweet
Share
Share
Share

Leave a Reply

წინა სტატია

Mechanical Rainbow ფოტო: ნიტა შარიფაშვილი

Mechanical Rainbow-ს ახალი სინგლი PANDORA

შემდეგი სტატია

Iveria Beach-ზე The Black Sea Sidewind Sessions გრძელდება

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი