25 ივლისს Rolling Stone Rooftop წარმოგიდგენთ Sky Ain’t The Limit-ის პირველ გამოშვებას – საღამოს, სადაც ვინილკულტურა, იმპროვიზაცია და უკვდავი გრუვი თბილისის ცის ფონზე გაერთიანდება.
მზის ჩასვლისთანავე საღამოს გახსნის ლუკა ბარამაშვილი, რომელიც სცენას სრულად ვინილზე შესრულებული სეტით გაახურებს. დახვეწილი მუსიკალური გემოვნებითა და ჟღერადობის ღრმა შეგრძნებით, მუსიკოსი ბუნებრივად აერთიანებს Broken Beat-ს, ფანკს, ჰაუსსა და ალტერნატიულ ჯაზს, რაც იდეალურ გადასვლას ქმნის მზის ჩასვლიდან დაღამებამდე.
00:30 საათიდან კი სცენას ბექა გოჩიაშვილი და თემურიკო დიასამიძე დაიკავებენ. მუსიკოსები მსმენელს თავიანთ სავიზიტო, ერთობლივ პროგრამას წარუდგენენ – უნიკალურ მუსიკალურ მოგზაურობას, სადაც ფანკი, ჰაუსი, ჰიპ-ჰოპი, Broken Beat და თანამედროვე ჯაზი ერთმანეთს ხვდება ცოცხალი იმპროვიზაციის, რიტმისა და მუსიკალური დიალოგის მეშვეობით.
ბილეთების შეძენა შესაძლებელი იქნება ადგილზე. საღამოზე მოქმედებს დრესკოდი: მზის ჩასვლის ფერები შავი ან ოქროსფერი აქცენტებით.
