მუსიკალური ფესტივალი „ზან-ზარი” 2025 წელს ერთდღიანი ფორმატით გაიმართა, წელს კი უფრო მასშტაბური სახით ბრუნდება და მსმენელს ორდღიან დაუვიწყარ მუსიკალურ თავგადასავალს შესთავაზებს.
ფესტივალი მთაწმინდის ამფითეატრში, ღია ცის ქვეშ ჩატარდება, სადაც სტუმრებს სხვადასხვა ჟღერადობის ქართული ბენდების ცოცხალი შესრულებები, ენერგიული სცენა და მუსიკით სავსე ზაფხულის საღამო ელოდებათ.
25 და 26 ივლისს, 16:00 საათიდან, ფესტივალის სცენას ადგილობრივი შემსრულებლები დაიკავებენ. პროგრამის მთავარ ნაწილს როკბენდები შეადგენენ, თუმცა ფესტივალი სხვადასხვა მუსიკალურ ჟანრსაც აერთიანებს და აუდიტორიას მრავალფეროვან გამოცდილებას სთავაზობს. 25 ივლისს მსმენელის წინაშე წარდგებიან: Izmir, Will Kolak, On the Road, Sif, Aguna, Mentality, Mediatori, Kremaster, 26 ივლისს კი სცენას დაიკავებს: არა, კოლექტივი, The Cave, OCD, Dead Lovers’ Disco, Parasite, Ula, Svla და The Heartaches.
ფესტივალ „ზან-ზარის“ მთავარი მიზანი ადგილობრივი არტისტების მხარდაჭერა, ქართული მუსიკის პოპულარიზაცია და ისეთი მუსიკალური სივრცის შექმნაა, სადაც აუდიტორია ახალი ბენდების აღმოჩენას, საყვარელი შემსრულებლების ცოცხლად მოსმენასა და მრავალფეროვანი მუსიკალური გამოცდილების მიღებას შეძლებს.
