გლობალური ონლაინ თამაშის, WARDOGS-ის საუნდტრეკში MokuMoku-სა და Gigilow-ს ნამუშევრები მოხვდა

თამაშის საუნდტრეკში თბილისის ექსპერიმენტული ჰიპ-ჰოპ ბენდის, MokuMoku-ს You Are Not Invited და რუსთავში დაფუძნებული რეპერის, Gigilow-ს H4ZARD-ია წარმოდგენილი.

საერთაშორისო აუდიტორიაზე გათვლილი ონლაინ თამაშის, WARDOGS-ის საუნდტრეკში ორი ქართული ნამუშევარი მოხვდა – ქართული ექსპერიმენტული ჰიპ-ჰოპ ბენდის, MokuMoku-ს – You Are Not Invited და  რუსთავში დაფუძნებული რეპერის, Gigilow-ს ტრეკი H4ZARD.

ორივე კომპოზიცია ცალკე მუსიკალური ჩანაწერის სახით არის წარმოდგენილი, მისი პოვნა და მოსმენა კი უშუალოდ თამაშის პროცესშია შესაძლებელი. 

MokuMoku-ს You Are Not Invited 2023 წელს გამოიცა და ჯგუფის მეხუთე სტუდიურ ალბომ Off The Record-შია შესული. 

მეორე ქართველი არტისტი, რომლის ნამუშევარიც თამაშის საუნდტრეკში მოხვდა, არის Gigilow. მისი ქართულენოვანი ტრეკი H4ZARD 2025 წელს დარელიზდა და ალბომ Rustavelli-ს ნაწილია. 

WARDOGS-ის ასევე განსაკუთრებული ნაწილი თამაშის გარემოა, რომელიც საქართველოს ლანდშაფტითა და არქიტექტურით არის შთაგონებული. რუკებზე გვხვდება ქართული სახელები, დამწერლობა, ეკლესიები, საცხოვრებელი უბნები და სხვა დეტალები, რომლებიც საქართველოსთან ასოცირდება. მაგალითად, თამაშის ერთ-ერთი რუკა Bakurani-ს სახელით არის წარმოდგენილი, კიდევ ერთი ლოკაცია კი ჭიათურაა.

საქართველოსთან დაკავშირებული დეტალები არც მოთამაშეების ყურადღების მიღმა დარჩენილა. Steam-ის განხილვებში ისინი ცალკე კითხულობენ თამაშში გამოყენებული ქართული წარწერების შესახებ.

ამ კონტექსტში, WARDOGS-ის საუნდტრეკში ორი ქართველი არტისტის გამოჩენა განსაკუთრებით საინტერესოა, თამაშის საშუალებით მათი მუსიკა საერთაშორისო მსმენელამდე აღწევს და ახალ აუდიტორიას პოულობს. 

MokuMoku-ს You Are Not Invited-ის YouTube-გვერდზე გამოქვეყნებულ კომენტარებში მომხმარებლები აღნიშნავენ, რომ სიმღერა სწორედ WARDOGS-ის თამაშისას აღმოაჩინეს და მისი მოსმენა თამაშის ერთ-ერთ გამორჩეულ გამოცდილებად იქცა.

მსგავსი გამოხმაურებები გვხვდება Gigilow-ს H4ZARD-ის YouTube-გვერდზეც, სადაც მოთამაშეები სიმღერით აღფრთოვანებას გამოხატავენ და მას WARDOGS-ში მიღებულ კონკრეტულ შთაბეჭდილებებსა და სათამაშო მომენტებს უკავშირებენ. 

მოუსმინეთ ქართველი არტისტების ტრეკებს, რომლებიც WARDOGS-ის საუნდტრეკში მოხვდა:

Share
Tweet
Share
Share
Share

Leave a Reply

წინა სტატია

ბათუმის საერთაშორისო კინოფესტივალი 20 წლის იუბილეს აღნიშნავს

შემდეგი სტატია

სელენა გომესის აზრით, ფანებს სურთ ის ისევ ისე გამოიყურებოდეს, როგორც 2016 წელს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი