ავტორი: პიერიკ ვატებლე
15 სექტემბერს Billboard France-მა Power Players-ის დაჯილდოების ცერემონია გამართა. ამერიკული გამოცემის ფრანგული მედიაპლატფორმის ეს ღონისძიება ეძღვნება იმ არტისტებს, რომლებიც ფრანგულ მუსიკალურ ინდუსტრიას ქმნიან ყველა პროფესიული მიმართულებით, მათ შორის: ცოცხალი შესრულება, ლეიბლები და დისტრიბუცია, მუსიკალური გამომცემლობა, სტრიმინგი და ტექნოლოგიები, მენეჯმენტი და კოლექტიური მართვის ორგანიზაციები.
AEG Presents France-ის, Amazon Music-ის, AXS-ის, Bpifrance-ის, Bolero-სა და Sacem-ის მხარდაჭერით, ეს პირველი დაჯილდოებაა. ცერემონია Salle Cortot-ში გაიმართა – კლასიკური და ჯაზ-მუსიკის საკულტო სივრცეში, რომელიც პარიზის მე-17 ოლქში მდებარეობს.
ცერემონიას უძღვებოდა ჟული გაიე – ფესტივალ Sœurs Jumelles-ის დამფუძნებელი და პრეზიდენტი. ღონისძიებას მუსიკალური ინდუსტრიის 400-მდე წევრი დაესწრო. მომდევნო დღეს გამოქვეყნდა Power Players-ის – ფრანგული მუსიკალური ბაზრის ყველაზე გავლენიანი ფიგურების სრული სია.
პირველი გამოშვების გამარჯვებულები
ცერემონიაზე ექვსი ჯილდო გაიცა. მათგან ზოგიერთი გამარჯვებულებს თავად ფრანგული მუსიკალური სცენის არტისტებმა გადასცეს:
- Impact Award მომღერალმა ნაიკამ (Naïka) გადასცა ლუკ ბარუეს – Solidarité Sida-ს ასოციაციისა და Solidays-ის ფესტივალის თანადამფუძნებელს.
- Artist-Entrepreneur of the Year Award-ის (წლის არტისტი-ანტრეპრენერი) მფლობელი აია ნაკამურა გახდა. მას ჯილდო არტისტმა RnBoi-მ გადასცა.
- AEG International Outreach Award (AEG-ის საერთაშორისო აღიარების ჯილდო) გადაეცა ჟული ასიდს – DJ Snake-ის მენეჯერს.
- Female Executive of the Year Award (წლის ქალი მენეჯერი) DJ Mosimann-მა გადასცა მარი-ან რობერს – Sony Music France-ის პრეზიდენტს.
- Male Executive of the Year Award (წლის მამაკაცი მენეჯერი) რეპერმა Youssoupha-მ გადასცა დენი ლადეგალერის – Believe-ის დამფუძნებელსა და გენერალურ დირექტორს.
- Bpifrance Innovation Award (Bpifrance-ის ინოვაციის ჯილდო) გადაეცათ Deezer-ის გენერალურ მენეჯერსა და ინოვაციების ხელმძღვანელებს – ალექსის ლანტენიესა და ორელიენ ეროს. მათ ჯილდო მიიღეს ხელოვნური ინტელექტით შექმნილი მუსიკის იდენტიფიცირების ინსტრუმენტისთვის, რომელიც 2025 წლის იანვრიდან ამოქმედდა.
საღამოზე ასევე პატივი მიაგეს დენიელ კოლინგს, ჟან-ფილიპ ალარსა და ოლივიე კაიარს – მუსიკალური ინდუსტრიის სამ ფიგურას, რომლებიც ახლახან გარდაიცვალნენ.
გარდა ამისა, დაჯილდოებაზე წარადგინეს Billboard France-ის სტიპენდიის ლაურეატები: მარი გუბო-პიკარი და სმიტ ჟორდან ნდენტო ჩუაფე. Amazon Music-ის მხარდაჭერითა და ასოციაცია All Access Musique-ის პროგრამაში ინტეგრირებით, ისინი უზრუნველყოფილნი იქნებიან სწავლის სრული დაფინანსებითა და მენტორობით.
საღამო გაგრძელდა სპეციალური წვეულებით, რომელიც AXS-სა და Moët-Hennessy-სთან პარტნიორობით გაიმართა.
Billboard France გეგმავს Power Players გრძელვადიან პროექტად აქციოს და ფრანგული მუსიკალური ინდუსტრიის ყოველწლიური შეხვედრის ადგილად იქცეს.
