ჯგუფ One Direction-ის ყოფილმა წევრმა, ზეინმა, ჰენდრიქსის 1971 წელს გამოცემული სიმღერის “Angel” ახალი ვერსია შექმნა. სიმღერა ჯიმი ჰენდრიქსს ეძღვნება, რომელიც ოცდაშვიდ ნოემბერს ოთხმოცი წლის გახდებოდა.
„ჯიმი ჰენდრიქსის ოთხმოცი წლის იუბილესთან დაკავშირებით მთხოვეს მისი სიმღერის ქავერი გამეკეთებინა, ეს ჩემთვის საკმაოდ მოულოდნელი იყო. ჰენდრიქს დიდ პატივს ვცემ. Angel – უკვე გამოვიდა, იმედია თქვენც ისევე გიყვართ ეს სიმღერა როგორც მე. 80 წლის იუბილეს გილოცავ ლეგენდავ„ – წერს ტვიტერზე ზეინი.
„მოხარულები ვართ, რომ ზეინმა ჯიმი ჰენდრიქსის სიმღერის Angel-ის ახალი ვერსია შექმნა. იმედი გვაქვს, რომ ჰენდრიქსის სიმღერის ეს ვერსია ახალ თაობას და მსმენელს გენიალური მუსიკოსის შესახებ ინფორმაციას გააცნობს.“ – განუცხადა ბილბორდს ჯიმი ჰენდრიქსის მემკვდრეობის ფონდმა – Experience Hendrix, L.L.C.
ყველა დროის უდიდესი როკ გიტარისტი, ჯიმი ჰენდრიქსი 1970 წლის 18 სექტემბერს, 27 წლის ასაკში გარდაიცვალა.
მოუსმინეთ ზეინის მიერ შესრულებულ სიმღერას Angel.
