მეტალიკას საქველმოქმედო კონცერტი Helping Hands წელს კიდევ უფრო ფართოდ გავრცელდება. ის პირდაპირი ეთერით გადაიცემა სხვადასხვა პლატფორმაზე, მათ შორის Paramount+-სა MTV-ის იუთუბ არხზე. „ერთი სული გვაქვს, ვიზეიმოთ All Within My Hands-ის წლევანდელი მიღწევები Helping Hands-ის კონცერტითა და აუქციონით. გვიხარია, რომ ეს ყველაფერი პირდაპირი ეთერით გადაიცემა, ჩვენი მეგობრების წყალობით!” დაწერა ბენდმა ინსტაგრამ პოსტში.
შოუ ლოს ანჯელესის მაიკროსოფტის თეატრში 16 დეკემბერს გაიმართება და მას ჯიმი კიმელი წარუძღვება. ბილეთები უკვე სრულად გაყიდულია. 5 დეკემბერს კი სტარტს აიღებს საქველმოქმედო აუქციონი.
მეტალიკას ფონდი All Within My Hands მსოფლიოს მასშტაბით სხვადასხვა საქველმოქმედო ორგანიზაციასთან თანამშრომლობს. მხოლოდ მიმდინარე წელს ფონდმა 100,000$ გასცა ფლორიდასა და პუერტო-რიკოში ქარიშხლით დაზარალებულთათვის, 20,000$ ქალთა ცენტრისა და თავშესაფრისთვის და 100,000$ უკრაინელი დევნილებისთვის.
ნახეთ კონცერტის ანონსი
