3 დეკემბერს Mono Hall-ში სტეფანე კონცერტს გამართავს. მანამდე კი სოციალურ ქსელში ქალიშვილის, სტეფანიას ვიდეოს აზიარებს, რომელიც Leno Records-ში მისი ახალი სიმღერისთვის „გაიღიმე” ბექვოკალს წერს. ვიდეოს აღწერაში სტეფანე ამბობს, რომ ქალიშვილს საკუთარ კონცერტზე გამოსვლაც სთხოვა და ისიც დასთანხმდა.
როგორც სტეფანე ბილბორდთან საუბარში აღნიშნავს, მამა-შვილი ერთად მომღერლის რეპერტუარიდან ერთ-ერთ სიმღერას შეასრულებს.
სტეფანე:
„კონკრეტულად რომელი სიმღერა იქნება, ამას ვერ ვიტყვი. მინდა, რომ საიდუმლოდ შევინახო. ეს იქნება ერთი თბილი მომენტი. ჩვენ მეგობრები ვართ და მეგობრული მხარდაჭერა იქნება მისგან. ეს მისი დებიუტია, პირველად გამოვა სცენაზე. ღელვა, რა თქმა უნდა, არის. ამ შემთხვევაში, ყველაფერს კიდევ მშობლური ღელვა ემატება.”
Რამდენიმე დღით ადრე კი მომღერალმა სტეფანიას კიდევ ერთი ვიდეო გაავრცელა, სადაც გოგონა როიალთან ზის და ბილი აილიშის სიმღერას My Future ასრულებს. ვიდეოს კომენტარებში დიდი გამოხმაურება მოჰყვა.
