ნოემბერში მომღერალმა Billboard-თან ინტერვიუში პირად და შემოქმედებით სირთულეებზე ისაუბრა. „ეს ალბომზე მუშაობით გამოწვეული სტრესი არ არის, უბრალოდ ცხოვრება ძალიან რთულია. ხალხი ელის, რომ ყველაფერს უმაღლესი ხარისხით გააკეთებ მაშინ, როცა ცხოვრება ძალიან რთულია. ეს ყველაფერი ადამიანისათვის არ არის განკუთვნილი, ამასთან გამკლავება მხოლოდ მანქანას შეუძლია.“- აღნიშნა SZA-მ.
ამერიკელმა მომღერალმა, SZA-მ ხუთწლიანი პაუზის შემდეგ მეორე სტუდიური ალბომი – SOS გამოუშვა. არტისტმა სადებიუტო დისკი, სახელწოდებით CTRL 2017 წელს გამოსცა.
SOS 24 სიმღერას აერთიანებს. მათ შორის არის დუეტები ისეთ არტისტებთან, როგორებიც არიან: ფიბი ბრიჯერსი (Ghost in the Machine), ტრევის სკოტი (Open Arms), დონ ტოლივერი (Used) და Ol’ Dirty Bastard (Forgiveless). ალბომში ასევე შესულია უკვე გამოცემული სინგლები:Good Days, I Hate U, Shirt და სრული ვერსია სიმღერისა Blind, რომელიც არტისტმა Saturday Night Live-ის ეთერში შეასრულა.
Billboard-თან საუბრისას, SZA-მ ახალი ალბომი თავის ყველაზე გაბედულ ნამუშევრად აღწერა.
მოუსმინეთ სრულ ალბომს.
