Microsoft-ის თეატრში, საქველმოქმედო კონცერტ – House Full of Toys-ის ბილეთები სრულად გაიყიდა. სტივი უანდერმა ჰარმონიკაზეც დაუკრა. მუსიკოსი სცენაზე დიდი ხნის მეგობართან და საღამოს რეჟისორ რიკი მინორთან ერთად გავიდა, რასაც დამსწრე საზოგადოების მხრიდან დიდი ოვაციები მოჰყვა.
საქველმოქმედო ღონისძიება House Full of Toys, სტივი უანდერის არაკომერციული ფონდის We Are You-ს ფარგლებში იმართება, რომელიც შეზღუდული შესაძლებლობის მქონე ბავშვების და სოციალურად დაუცველი ოჯახების დასახმარებლად არის შექმნილი. ღონისძიებაზე დამსწრე პირებს ბავშვებისთვის სათამაშოები მოაქვთ. წელს გამართულ საქველმოქმედო ღონისძიებაზე მუსიკოსი ტომბრონ შორტიც მონაწილეობდა.
გრეგორი პორტერმა – 2016 წლის ალბომიდან სიმღერა Take Me to the Alley – შეასრულა.
კონცერტზე გამოვიდნენ თინა და ტედი კემპებლები, კონ პოლ მაკგის ტრიო, კიმბერლი ბრუნი, სტივი უანდერის ქალიშვილებთან – ზაია და ნიასთან ერთად.
კონცერტზე სტივი უანდერმა ფორტეპიანოს თანხლებით, ყველასთვის ცნობილი სიმღერები შეასრულა, რომელსაც აღფრთოვანებული მსმენელი მქუხარე ტაშით შეეგება. შოუს დასაწყისში მუსიკოსმა სადღესასწაულო განწყობის ასამაღლებლად What Christmas Means To Me იმღერა.
„ყველანი ძალიან მიყვარხართ. ღმერთს მადლობას ვუხდი ყველა იმ სიმღერისთვის, რომელიც დავწერე. თუ სიყვარულის გჯერათ, ერთ წამსაც ვერ დაკარგავთ სიძულვილისთვის. მოდით დღეს მსოფლიოს ვაჩვენოთ, თუ როგორ უნდა გვიყვარდეს ისევ.“ -მიმართა აუდიოტრიას სტივი უანდერმა.
