ბილი ჯოელის წლის ბოლო კონცერტი გაუქმდა. ამის შესახებ მსმენელს თავად მუსიკოსმა აცნობა. ჯოელმა თქვა, რომ ავადაა. ექიმებმა კი ხმის დასვენება ურჩიეს.
„იმედგაცრუებული ვარ, რადგან მიწევს გაცნობოთ, რომ ვირუსული ინფექციის გამო, ექიმმა სიმღერისგან თავის შეკავება მირჩია. სამწუხაროდ, კონცერტი უნდა გადავდო”, – დაწერა ჯოელმა ტვიტერსა და ინსტაგრამზე. „ბოდიშს გიხდით, რომ ეს ასე გვიან გაცნობეთ, თუმცა იმედი მქონდა, რომ გამოვჯანმრთელდებოდი. სამწუხაროდ, ასე არ მოხდა. ველი თქვენთან შეხვედრას უკვე ახალ წელს.”
ბილი ჯოელის წარმომადგენელმა ოფიციალურ ვებგვერდზე განცხადება გაავრცელა, სადაც ნათქვამია, რომ კონცერტი 2023 წლის 2 იანვარს ჩატარდება.
ნახეთ ჯოელის განცხადება
— Billy Joel (@billyjoel) December 18, 2022
