მომღერალმა ფიბი ბრიჯერსმა ინსტაგრამზე გამოქვეყნებული პოსტით, საზოგადოებას მამის გარდაცვალების შესახებ აუწყა.
„მშვიდად განისვენე, მამა“ – ბრიჯერსმა წარწერა ინსტაგრამზე გამოქვეყნებულ ძველ ფოტოს დაურთო. ფოტოში მომღერალი მამასთან ერთად არის გადაღებული. ვარსკვლავს მშობლის გარდაცვალების მიზეზი არ დაუკონკრეტებია.
ფიბი ბრიჯერსს მამასთან რთულ ურთიერთობაზე არაერთხელ უსაუბრია. 2019 წელს, ჟურნალ GQ-სთან ინტერვიუში ბრიჯერსმა ახსენა, რომ მამამისს ნარკოტიკებზე დამოკიდებულების პრობლემა ჰქონდა. სემ სანდერსთან ინტერვიუს დროს კი აღნიშნა, რომ მისი ურთიერთობა დედ-მამასთან საკმაოდ უცნაური იყო. თუმცა ფიბი ბრიჯერსის თქმით, ასაკის მატებასთან ერთად, იგი მშობლების მიმართ მეტად გულისხმიერი გახდა.
აღსანიშნავია, რომ ფიბი ბრიჯერსი მშობლებთან ურთიერთობის თემას ასევე ეხება ერთ-ერთ ყველაზე ცნობილ სიმღერაში, სახელწოდებით – Kyoto.
