1983 წელს, მუსიკალურმა დუეტმა Eurythmics-მა ცნობილი ჰიტი Sweet Dreams (Are Made of This) გამოუშვა. 40 წლის შემდეგ, ჯგუფის წევრი ენი ლენოქსი სიმღერის საიუბილეო თარიღს ეხმიანება.
ლენოქსმა ინსტაგრამზე გამოქვეყნებულ პოსტში აღნიშნა – „მიჭირს დაჯერება, რომ Sweet Dreams Are Made of This 40 წლის წინ გამოვიდა! მას შემდეგ სიმღერამ მსოფლიო შემოიარა და არაჩვეულებრივი ისტორია შექმნა. სიმღერები გემებს ჰგავს, მათ სამოგზაურო კურსი და მიმართულება აქვთ. როცა გაუშვებ, უკან ვეღარ მოაბრუნებ. უბრალოდ მოგზაურობას უნდა მიჰყვე“
Sweet Dreams (Are Made of This) „Billboard-ის ცხელ ასეულში“ 1983 წლის 3 სექტემბრის მონაცემებით, პირველ ადგილს იკავებდა. Სიმღერა ჩარტებში 26 კვირის განმავლობაში იყო წარმოდგენილი. Sweet Dreams (Are Made of This) ჯგუფის ამავე სახელწოდების სტუდიურ ალბომშია შესული.
