მიკ ჯაგერი ჯგუფ The Rolling Stones-თან ერთად TikTok-ს შეუერთდა. ვარსკვლავმა პირველი ვიდეო გამოაქვეყნა, რომელშიც ჯგუფის ცნობილი ჰიტი – Sympathy for the Devil ჟღერს, თავად კი ცეკვავს და სოციალური ქსელის მომხმარებლებს მიმართავს.
„ჩვენ თქვენს სამყაროს შემოვუერთდით“- ამბობს The Rolling Stones-ის ფრონტმენი ვიდეოში, რომელიც ხმისჩამწერ სტუდიაშია გადაღებული. „შეგიძლიათ ჩვენი ანგარიშები – @therollingstones და @jagger გამოიწეროთ. მოუთმენლად ველით ვნახოთ, თუ რა შეგიძლიათ შექმნათ ჩვენს მუსიკაზე. გამოიყენეთ ჰეშთეგი – #TheRollingStones, რათა თქვენი გამოქვეყნებული მასალა ვნახოთ“
The Rolling Stones-ის TikTok-ზე გამოჩენა იმას ნიშნავს, რომ ჯგუფის მუსიკალური კატალოგი პლატფორმის გამომწერებისათვის უკვე ოფიციალურად ხელმისაწვდომი იქნება.
სოციალურ ქსელში დარეგისტრირების აღსანიშნავად, ჯგუფის წევრებმა TikTok-სთვის სპეციალური პლეილისტიც წარადგინეს.
დარეგისტრირებიდან ერთ დღეში, ჯაგერის ანგარიშს 58 ათასზე მეტი გამომწერი ჰყავდა. რაც შეეხება The Rolling Stones-ის პროფილს, მასზე ბენდის ძველი ინტერვიუები გამოქვეყნდა.
ნახეთ მიკ ჯაგერის პირველი ვიდეო TikTok-ზე:
@jagger Hello Tik Tok ! Follow & create @The Rolling Stones … Also check out our guest playlist on the sounds page or at the link in bio for all the hits… #therollingstones ♬ Sympathy For The Devil – The Rolling Stones
