The National-ის მეცხრე სტუდიური ალბომი – The First Two Pages of Frankenstein – 28 აპრილს გამოვა. ამის შესახებ ბენდის წევრი ბრაის დესნერი ჰანუმან უელჩთან Apple Music 1-ში საუბრობს.
განსაკუთრებით აღსანიშნია ტეილორ სვიფტის და The National-ის სიმღერა – The Alcott, რომელიც მომავალ ალბომში შევა. The National – ტეილორ სვიფტთან ადრეც მუშაობდა, მისი ალბომის – Evermore-ის სიმღერაზე Coney Island. “ჩვენ მისი დიდი გულშემატკივრები ვართ. იგი ყოველთვის გამორჩეული და თავაზიანია. ტეილორმა შემოგვთავაზა მისი ალბომის – Evermore-ის სიმღერა Coney Island – ერთად გაგვეკეთებინა.
სიმღერა The Alcott ტეილორმა და მეთმა (ბერნინგენი) ერთად დაწერეს, ტეილორი ტექსტის თანაავტორიც არის, მართლაც განსაკუთრებული სიმღერა გამოვიდა.”
რაც შეეხება The National-ის ალბომის ლიტერატურულ სათაურს – The First Two Pages of Frankenstein ბრაისმა განმარტა, რომ ეს მეთ ბერნინგერის, ვოკალისტის დამსახურება იყო.
“მეთს შემოქმედებითი კრიზისი ჰქონდა. როგორც წესი, ალბომზე მუშაობის პერიოდში, საყვარელ წიგნს კითხულობს ხოლმე, ამ შემთხვევაში მან „ფრანკენშტაინი” აირჩია. ეს წიგნი სათაურის შერჩევაში დაგვეხმარა.”
