რეპერმა და მსახიობმა Black Film Allies-თან ინტერვიუში საუბრისას გაამხილა, რომ ახალ პროექტზე მუშაობს: “ბოლო წელიწადნახევრის განმავლობაში სტუდიაში ვმუშაობდი, ეს იქნება მუსიკალური პროექტი, რომელიც ყველაზე პირადული და ემოციურია რაც კი ოდესმე გამიკეთებია. ამ მუსიკის ძირითადი იდეაა ის, რომ უნდა იცეკვო ყველაზე რთულ მომენტებშიც კი“.
უილ სმითმა წელს გამართულ BET Awards-ზე ახალი სიმღერა, You Can Make It შეასრულა, რომლის დებიუტიც Hot Gospel Songs-ის ჩარტში შედგა.
არტისტმა ცოტა ხნის წინ ინსტაგრამ რილსი გამოაქვეყნა, სადაც ამბობს, რომ ახლახან დაასრულა ალბომზე მუშაობა. ეს იქნება პირველი ალბომი, რომელსაც უილ სმითი 2005 წლის ალბომ Lost and Found-ის გამოსვლის შემდეგ გამოსცემს.
მიუხედავად იმისა, რომ ჯერ მუსიკალური პროექტის სათაური და მისი გამოშვების თარიღი ცნობილი არ არის, არსებობს ინსტაგრამ გვერდი და ვებსაიტი სახელწოდებით Dance in Your Darkest Moments, ეს კი იმის მანიშნებელია, რომ შესაძლოა ალბომის სახელწოდებაც სწორედ ეს იყოს.
ნახეთ უილ სმითის ინსტაგრამ ინტერვიუ:
