ბრიტნი სპირსმა პოლიციის მიერ მის შემოწმებაზე ისაუბრა და ახსნა, თუ რატომ გააუქმა ინსტაგრამის ანგარიში.
„დიახ, ეს მე ვარ… ცოცხალი ვარ და კარგად ვარ, – დაწერა მომღერალმა ტვიტერზე და ფიტნეს დარბაზში გადაღებული ვიდეო გამოაქვეყნა.
„Მე გავაუქმე ჩემი ინსტაგრამი , რადგან ძალიან ბევრი ადამიანი იყო, ვინც ამბობდა, რომ იდიოტივით ვცეკვავ და გიჟს ვგავარ. Სიმართლე რომ ვთქვა, მე ჩემს მაქსიმუმს ვცდილობ, მაგრამ შემაწუხა იმან, რომ ადამიანები ამას განიხილავენ ტელევიზორში. ეს ჩემს გრძნობებზე მოქმედებს,” – დაწერა ბრიტნიმ პოსტის კომენტარში.
„შოკირებული ვარ. ინსტაგრამი დავხურე და ფანებმა ისე ინერვიულეს, რომ სახლში პოლიცია გამომიგზავნეს. Ძალიან მიყვარს ჩემი ფანები, მაგრამ ისინი, ვინც ეს გააკეთა, არ არიან ნამდვილი გულშემატკივრები. ისეთი გრძნობა მქონდა, რომ ეს ყველაფერი იმისთვის იყო, რომ მე ცუდად გამოვჩენილიყავი.”
კიდევ ერთ კომენტარში ბრიტნი წერს: „ამჯერად ვთქვი: ძალიან გთხოვთ, მომშორდით. ცოცხალი ვარ, კარგად ვარ, ჯანმრთელად ვარ და მზად ვარ ახალი დღე დავიწყო.”
Მანამდე კი სპირსმა კომენტარი პოლიციის ინციდენტზე გააკეთა: „ძალიან მიყვარს ჩემი ფანები, მაგრამ ამჯერად ძალიან შორს წავიდნენ. ჩემი პრივატულობა დაირღვა.“
