Bon Jovi-ის მუსიკალურ ვიდეოს, რომელიც სიმღერაზე – Livin’ On a Prayer არის გადაღებული, YouTube-ზე მილიარდი ნახვა აქვს. Livin’ On a Prayer ჯგუფის 1986 წლის ალბომში, სახელდოებით Slippery When Wet არის შესული.
მუსიკალური ვიდეო ლოს ანჯელესის Grand Olympic Auditorium-ზე 1987 წელს არის გადაღებული. კლიპში თავად ჯონ ბონ ჯოვი და ბენდის სხვა წევრები მონაწილეობენ.
YouTube-ის მონაცემების მიხედვით, Livin’ On a Prayer-ის შავ-თეთრი ვიდეო Bon Jovi-ის მეორე კლიპია, რომელმაც მილიარდ ნახვას გადააჭარბა. პირველი ასეთი ვიდეო It’s My Life არის.
2022 წლის ივნისში, Bon Jovi-ის ერთ-ერთი წევრი, ალეკ ჯონ საჩი 70 წლის ასაკში გარდაიცვალა. 1983-დან 1994 წლამდე ის ბენდის ბასისტი იყო. მუსიკოსის გარდაცვალებას კოლეგები სოციალურ მედიაში გამოეხმაურნენ და მწუხარება გამოთქვეს. როგორც Bon Jovi-ის წევრებმა აღნიშნეს, ალეკ ჯონ საჩი ბენდის მნიშვნელოვანი წევრი და ბავშვობის მეგობარი იყო.
ნახეთ Livin’ On a Prayer-ის მუსიკალური ვიდეო:
