ადელი სუპერ თასზე დასასწრებად მიდის. მაგრამ მხოლოდ ერთი მიზეზით და ეს რიანას სცენაზე დაბრუნებაა.
ლას ვეგასის შოუს დროს ბრიტანელმა ვარსკვლავმა აუდიტორიას გაუმხილა, რომ ის 12 თებერვალს სუპერ თასის შოუს დაესწრება. მაგრამ იმის გამო არა, რომ გუნდების დაპირისპირება აინტერესებს.
„მე მხოლოდ რიანასთვის მივდივარ” – თქვა ადელმა.
12 თებერვალს სუპერ თასის შოუზე რიანა 5 წლის შემდეგ პირველად დაბრუნდება სცენაზე. 34 წლის პოპვარსკვლავმა, რომელმაც 2022 წლის მაისში პირველი შვილი გააჩინა, ექვსწლიანი პაუზის შემდეგ სიმღერა Lift Me Up გამოსცა, რომელიც ნოემბერში ბილბორდის „ცხელი ასეულის” მეორე ადგილზე გავიდა.
