Need to Talk – Creams – ახალ სიმღერასა და ვიდეოკლიპს აზიარებს, სადაც მუსიკისა და ტექსტის ავტორი თავადვეა. ვიდეოკლიპი კი რეჟისორმა გიორგი მეშველიანმა და Metro ფროდაქშენმა გადაიღო.
„ეს სიმღერა შარშან ზაფხულში დავწერე. ეგრევე შემიყვარდა და გადავწყვიტე კლიპზე მუშაობა დაგვეწყო. კლიპი რეჟისორ გიორგი მეშველიანთან ერთად, Metro ფროდაქშენის დახმარებით წყალტუბოში-სანატორიუმ „თბილისში“ გადავიღეთ. ბევრი სირთულის მიუხედავად ძალიან კარგი გამოვიდა. მოვრჩით თუ არა პროექტს მალევე მინდოდა ყველას ენახა, რატომღაც ყველაზე მეტად ამ რელიზზე ვნერვიულობ, ალბათ იმიტომ რომ ბევრი ადამიანი იყო ჩართული და თითქოს მათ წინაშეც პასუხისმგებლობას ვგრძნობ.“ – Creams
წყალტუბოში სანატორიუმ „თბილისში“ გადაღებული ვიდეოკლიპის ვიზუალი და შინაარსობრივი მხარე ფანტასტიკური ჟანრის საინტერესო მიგნებაა, სადაც კიბორგი ადამიანური ურთიერთობების ერთგვარ ლუსტრაციას წარმოადგენს.
„სიმღერა ზოგადად სირთულეების გადალახვაზეა და ოდნავ ეგზისტენციალური თემებიც დაკრავს. განსაკუთრებით ბოლო ნაწილს, სადაც მელოდიურად იცვლება ტრეკი და სიმღერა ახალ ხასიათს იძენს.
კლიპის შინაარსი და მთავარი იდეა ის არის, რომ სანატორიუმ „თბილისში“ Creams – ერთ-ერთი პროტაგონისტი გმირია, რომელიც ადამიანებს კიბორგებად აქცევს და საკუთარ კიბორგ არმიას ქმნის. კეთილი არის Creams, თუ ბოროტი და რა მიზანს ემსახურება ეს აქტი ვფიქრობ მაყურებელმა უნდა გადაწყვიტოს.
ტექსტი ამაში ძალიან დიდ დამხმარე ელემენტს წარმოადგენს.“ – Creams
ნახეთ Creams-ის ვიდეოკლიპი – Need To Talk
