თამაზ სეფერთელაძეს მინიჭებული ჰქონდა საქართველოს სახალხო არტისტის წოდება.
ქართული მუსიკალური ტრიო 1972 წელს შეიქმნა, რომლის წევრებიც თამაზ სეფერთელაძე, დავით აბესაძე და მალხაზ თავართქილაძე იყვნენ.
ტრიოს მსოფლიოს 58 ქვეყანაში ჰქონდა გასტროლები. ანსამბლი ხშირად მონაწილეობდა სხვადასხვა ქვეყანაში გამართულ საქართველოს კულტურის დღეებში.
1981 წელს ტრიოს წევრებს – თამაზ სეფერთელაძეს, დავით აბესაძესა და მალხაზ თავართქილაძეს საქართველოს დამსახურებული არტისტების წოდება, 1984 წელს კი სახალხო არტისტის წოდება მიენიჭათ. ტრიოს წევრები ღირსების ორდენის კავალრებიც არიან. 2009 წელს „ცისფერ ტრიოს“ ფილარმონიის დიდი საკონცერტო დარბაზის წინ ვარსკვლავი გაუხსნეს.
2015 წელს მუსიკის განვითარებაში შეტანილი წვლილისთვის ვოკალურ ანსამბლ „ცისფერი ტრიოს“ საპატიო ჯილდო — „ოქროს ტალღა“ გადაეცა.
თამაზ სეფერთელაძე სხვადასხვა დროს ხელმძღვანელ თანამდებობებზე მუშაობდა. 1991 წელს საქართველოს კულტურის მინისტრის მოადგილე იყო, 2011 წლიდან საქართველოს ტექნიკური უნივერსიტეტის რექტორის მრჩეველი.
