„ერთი სული გვაქვს, როდის გნახავთ. მადლობა, საქართველო, რომ ამ კაცის შექმნაში მიიღე მონაწილეობა!!!!!” – ეს კომენტარი, არც მეტი, არც ნაკლები, სტენლი კლარკს ეკუთვნის და მისი ადრესატი ბექა გოჩიაშვილია. რამდენიმე საათის წინ ქართველმა პიანისტმა სოციალურ ქსელში დაწერა, რომ საქართველოს ტოვებს და აშშ-ში მიემგზავრება. სწორედ ამ პოსტზე გამოეხმაურა მას ჯაზის მსოფლიო ლეგენდა და ოთხი გრემის მფლობელი ბასისტი სტენლი კლარკი.
ბექა გოჩიაშვილი უკვე მრავალი წელია სტენლი კლარკთან თანამშრომლობს და მის ბენდთან ერთად უკრავს. ახლაც ქართველი მუსიკოსი სწორედ ლეგენდარულ ჯაზმენთან და მის ბენდთან (4Ever) ერთად მიდის მსოფლიო ტურნეში, რომელიც 24 მარტს აშშ-ში აიღებს სტარტს. ტურნეს ფარგლებში ბენდი მაისში საქართველოსაც ეწვევა და თბილისის საკონცერტო დარბაზში დაუკრავს.
ნახეთ ბექა გოჩიაშვილის პოსტი და სტენლი კლარკის კომენტარი: