კანის კინოფესტივალზე პრემიერის შემდეგ The Idol-მა ოვაციები დაიმსახურა

The Idol-ის საჯარო პრემიერა HBO Max-ზე 4 ივნისს შედგება.
ფოტო: კრისტი სფეროუ/Getty Images


22 მაისს კანის კინოფესტივალზე HBO-ს ხმაურიანად დაანონსებული სერიალის – The Idol-ის მსოფლიო პრემიერა შედგა. როგორც The Hollywood Reporter წერს, Ჩვენების შემდეგ ნამუშევარმა დარბაზისაგან ხუთწუთიანი ოვაციები დაიმსახურა

გამოცემა იუწყება, რომ ამ გამოხმაურებას სერიალის ერთ-ერთი შემქმნელი, რეჟისორი სემ ლევინსონი განსაკუთრებით  ემოციურად შეხვდა და აღნიშნა, რომ პროექტით ამაყობს. 

რეჟისორმა ასევე მოიხსენია The Idol-ის შემოქმედებითი ჯგუფის წევრები. „თითქოს ოჯახი შევიძინე“ – თქვა სემ ლევისონმა კოლეგებზე საუბრისას. 

The Idol -ის კონცეფცია The Weeknd-ს ეკუთვნის. იგი სერიალში ერთ-ერთი საკვანძო პერსონაჟის როლის შემსრულებლის ამპლუაშიც წარდგა, რაც არტისტისათვის სამსახიობო დებიუტია. The Weeknd-ს შოუში პარტნიორობას ლილი-როუზ დეპი უწევს, რომელიც პოპ ვარსკვლავის როლს ასრულებს. მისი პერსონაჟი კრიზისშია და რთული მენტალური მდგომარეობის წინაშე დგას. რაც შეეხება The Weeknd-ის მისი გმირი კულტის ლიდერს განასახიერებს. 

The Idol  განსაკუთრებული ვარსკვლავური სამსახიობო შემადგენლობით გამოირჩევა. სერიალში მონაწილეობენ თანამედროვე პოპ-კულტურის ისეთი ვარსკვლავები, როგორებიც არიან  ტროი სივანი,  BLACKPINK-ის წევრი ჯენი და სხვა ცნობილი სახეები.  სემ ლევინსონთან და The Weeknd-თან ერთად, შოუს შემქმნელი რეზა ფაჰიმიც არის.

ცოტა ხნის წინ The Weeknd საჯაროდ გამოეხმაურა Rolling Stone-ის სტატიას, რომელშიც The Idol-ის სკანდალური ხასიათი იყო განხილული. არტისტმა პროექტი დაიცვა და ჟურნალი არარელევანტური გამოცემის ჭრილში მოიხსენია. 

რაც შეეხება The Idol-ის საჯარო პრემიერას, სერიალი HBO Max-ზე ხელმისაწვდომი 4 ივნისიდან იქნება.

Share
Tweet
Share
Share
Share

წინა სტატია

„ქართული მუსიკალური მემკვიდრეობა“ – ინტერვიუ ნათია სართანიასთან და ჯაბა შავიშვილთან

შემდეგი სტატია

დუა ლიპა ფილმ Barbie-ისთვის დაწერილ სინგლს აანონსებს

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი