მაილი საირუსი მეცხრე სტუდიურ ალბომს გამოუშვებს, რომლის სახელწოდებაა Something Beautiful. მუსიკოსი ალბომს თავად „უნიკალურ პოპ-ოპერას“ უწოდებს და შეიძლება ითქვას, რომ თითქმის 20-წლიან მუსიკალურ კარიერაში ეს მისი ყველაზე ამბიციური ნაბიჯი იქნება.
Something Beautiful 30 მაისს გამოვა და მას ვიზუალური პროექტის სახე ექნება. დაანონსებული ალბომიდან მაილი საირუსმა ორი სიმღერა და ვიდეოკლიპი – Prelude და Something Beautiful წარადგინა. ასევე დააანონსა, რომ ალბომის პირველი სინგლი, End of the World ხუთშაბათს გამოვა.
Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
გარდა ამისა, პოდკასტში განიხილეს ჩარტების სიახლეები: როგორ დაიკავეს სელენა გომესმა და ბენი ბლანკომ Billboard 200-ის მეორე ადგილი თავიანთი პირველი ერთობლივი ალბომით და როგორ შედგა მორგან უოლენის ორი სიმღერის დებიუტი Billboard Hot 100-ის ჩარტში.
Billboard Pop Shop Podcast არის ერთიანი სივრცე ყველა იმ სიახლისთვის, რაც Billboard-ის ყოველკვირეულ ჩარტებში აისახება. აქ მსმენელს ხვდება საინტერესო დისკუსიები პოპ-მუსიკის ყველაზე აქტუალური ამბების, ჩარტების სტატისტიკის, ახალი მუსიკისა და ვარსკვლავების ინტერვიუების შესახებ. პოდკასტის წამყვანები არიან Billboard-ის აღმასრულებელი ციფრული დირექტორი ქეითი ეტკინსონი და Billboard-ის ჩარტებისა და მონაცემთა ოპერაციების მმართველი დირექტორი ქეით კოულფილდი.
პოდკასტს შეგიძლიათ მოუსმინოთ Billboard.com-ზე, Apple Podcasts-ში ან თქვენს საყვარელ პოდკასტ პლატფორმაზე. გადაცემის წინა ეპიზოდის მოსასმენად ეწვიეთ Billboard.com-ს.
