ლანა დელ რეის 69 წლის მამა რობ გრანტი 9 ივნისს სადებიუტო ალბომს Lost at Sea გამოსცემს.
მუსიკოსის მამამ ინტერვიუში ქალიშვილთან მუშაობაზე ისაუბრა: „წინასწარ არაფერია დაგეგმილი. მუსიკის შექმნა ჩემს ქალიშვილთან ერთად Ძალიან მაგარია, რადგან ჩვენ ერთმანეთის გვესმის.”- ამბობს გრანტი.
„ნეპო ბავშვების” სამყაროში პირველ „ნეპო მამად” ყოფნაზე რობ გრანტს პრობლემა არ აქვს და მეტიც, ამ სტატუსს პატივით იღებს. „ნეპო მამის ამბავი ძალიან მომწონს,” – თქვა მან, როცა მისი ინსტაგრამის კომენტარებში ამ ფრაზას პირველად გადააწყდა. „ვიფიქრე, ღმერთო, ეს მართლა მაგარი „მერჩენდაიზი” იქნება. მიხარია, რომ პირველი ნეპო მამა ვარ.”
ამასობაში თავად ლანა დელ რეიმ მარტში მეცხრე სტუდიური ალბომი გამოუშვა Did You Know That There’s A Tunnel Under Ocean Blvd, რომელიც ბილბორდის 200 ალბომის ჩარტის მესამე ადგილზე მოხვდა. მომღერალმა ასევე საბოლოოდ ჩაწერა სიმღერა Say Yes to Heaven, რომელიც 11 წლის წინ დაიწერა და ორი წელია ინტერნეტსივრცეში აქტიურად ტრიალებს.
