მთავარ როლებს კეილი სპეინი და ჯეიკობ ელორდი თამაშობენ.
პრისცილა პრესლი თავისი ამბის მოსაყოლად ემზადება. მსახიობის ცხოვრება და ელვის პრესლისთან სასიყვარულო ისტორია მალე კინოეკრანებზე გამოჩნდება ფილმით Priscilla, რომლის ტრეილერიც ახლახან გავრცელდა.
ტრეილერი ფილმისა, რომელშიც მთავარ როლებს კეილი სპეინი და ჯეიკობ ელორდი თამაშობენ, გვაჩვენებს ნაწყვეტებს პრისცილას ადრეული ცხოვრებიდან, სანამ ის როკ-ენ-როლის მეფეს შეხვდებოდა. შემდეგ კი სცენა პრისცილასა და ელვისის ქორწინებასა და მათ შემდგომ ცხოვრებაზე გადადის.
ტრეილერის დასასრულს პრისცილას დედა ეკითხება: „პრისცილა, სკოლის ბიჭებზე რას იტყვი? ალბათ სიმპათიურები იქნებიან.” ახალგაზრდა პრისცილა დედას დამწუხრებული უყურებს, რის შემდეგაც კადრში ქორწინების ღამეს პრისცილასა და ელვისის კოცნას ვხედავთ.
კინოფილმი Priscilla, რომლის რეჟისორი სოფია კოპოლაა, დაფუძნებულია პრისცილა პრესლის წიგნზე Elvis and Me. ჯერჯერობით უცნობია ფილმის გამოსვლის თარიღი.
