Tbilisi Open Air 2023 – პირველი დღე

„ვფიქრობ ჩვენ ყველა ერთხმად ვთანხმდებით, რომ თბილისი მთელს მსოფლიოში, ერთ-ერთი ყველაზე ლამაზი ქალაქია. ნებისმიერ დროს, როცა თქვენ მოისურვებთ, რომ ჩვენ დავბრუნდეთ, ჩვენ აუცილებლად დავბრუნდებით.“ – Tom Odell
Tom Odell
ტომ ოდელი Tbilisi Open Air 2023-ის სცენაზე

პირველ დღეს მსმენელის წინაშე, მთავარ სცენაზე უცხოურ შემსრულებელ Tom Odell-თან და She Past Away-თან ერთად, ქართველი არტისტები: Bedford Falls, Tamada და new comers-ის გამარჯვებული Will kolak წარდგნენ. 

უცვლელ ადგილზე, Lisi Wonderland-ის ტერიტორიაზე, სამ დღიანი მუსიკალური ფესტივალი 25 ივნისამდე გაგრძელდება. 

„მუსიკა ათავისუფლებს“ – ეს არის იდეა, რომლის გარშემოც უამრავი მსმენელი თუ არტისტი თავს იყრის, ქმნის „ქომუნითის“, სადაც თავისუფლება, თანასწორობა დიდ წრეს კრავს და ადამიანებს აერთიანებს.

„Tbilisi Open Air-ის იდეა არის თავისუფლება, თანასწორობა და მრავალფეროვნება და აი ამ იდეის გარშემო ერთიანდებიან მსმენელებიც, არტისტებიც, პარტნიორი ორგანიზაციებიც და მნიშვნელოვანია, რომ არსებობს ასეთი ფესტივალი. ფესტივალის იდეა არის ასევე ის, რომ შეზღუდული არ არის კონკრეტულ მიმდინარეობებში და იმიტომ, რომ არის ყველაზე დიდი რეგიონული ფესტივალი, ვცდილობთ დაკმაყოფილდეს ყველანაირი მუსიკალური მსმენელი. ტრადიციულად ოთხი სცენა არის. გამოირჩევიან ქართველი არტისტები, ვისაც პროდუქტიული წელი ჰქონდა. მნიშვნელოვანია, რომ წელს New Comers-ის ოთხი გამარჯვებული გვყავს, აქედან მთავარ სცენას პირველივე დღეს Will kolak ხსნის, ხოლო დანარჩენი სამი (Stuttter, Lucaroi და Anuka in Anmanland) Zinger Stage-ზე წარდგებიან“. – სოფო ებრალიძე, Tbilisi Open Air-ის საზოგადოებასთან ურთიერთობის მენეჯერი.

Tbilisi Open Air ქართველი არტისტებისთვის ყველაზე დიდი პლატფორმაა, რათა ფართო აუდიტორიას მუსიკა გაუზიარონ. 

She Past Away

„Open Air – ჩვენთვის არის ადგილი, სადაც შეგვიძლია განვიტვირთოთ, გამოვხატოთ ჩვენი თავი და გავიცნოთ ხალხი, ვისაც უხარია აქ მოსვლა და ვისაც თავისუფლება უყვარს. თვითონ Open Air უდავოდ გამორჩეული ფესტივალია საქართველოში, ყველასთვის ძალიან საყვარელი და ყველას აქვს საშუალება მოისმინოს ბევრი განსხვავებული ჟანრი. ჩვენც გვიხარია, რომ ამის ნაწილი ვართ წელს.“ – Mechanical Rainbow

„პირველ რიგში გვინდა მადლობა გადავუხადო ყველას, ორგანიზატორებს და ხალხს ვინც შანსი მოგვცა და ეს ყველაფერი შესაძლებელი გახადა, უბრალოდ ვიტყვი, რომ ერთადერთი ნერვიულობის გამო შეიძლება იყოს რთული, თორემ დაკვრის მხრივ საბოლოო ჯამში ჯერ ჩვენ უნდა გვიხაროდეს კონცერტი, რომ მერე ის მუხტი ხალხში გადავიდეს. Tbilisi Open Air ყველაზე დიდი ფესტივალია საქართველოში, რაც სერიოზულ პერსპექტივას და შესაძლებლობას აძლევს არტისტს, რომ გზა გაიკვალოს.“ – Stutter-ის გიტარისტი, ვოკალისტი, დაჩი მდივნიშვილი. 

Stutter

„პირველ რიგში ძალიან დიდი პატივია და დიდი პასუხისმგებლობა Open Air-ის Main Stage-ის გახსნა და ძალიან ასწორებს ესეთ მაგარ ქართველ და არამარტო ქართველ არტისტებთან სცენის გაზიარება. რა თქმა უნდა New Comers-ების პლატფორმა ისეთი არის, რომ ბევრ ბენდს აძლევს შანსს გამოიჩინონ თავი. აქ გამარჯვებას დიდი მნიშვნელობა არ აქვს, მთავარი მიზანია რომ ყველა გავერთოთ, მოძრაობაში ვიყოთ და მუსიკა ნამდვილად ათავისუფლებს.“ – Will Kolak-ის ვოკალისტი, თორნიკე ცორიკიშვილი.

Will Kolak-ის ვოკალისტი, თორნიკე ცორიკიშვილი

Main Stage, Zinger Stage, Eye Stage და Zion Garden ფესტივალის ოთხი განსაკუთრებული და ერთმანეთისგან განსხვავებული სცენებია, სადაც თითქმის ყველანაირი მუსიკალური მიმდინარეობის მსმენელის გემოვნება კმაყოფილდება. მნიშვნელოვანია ისიც, რომ საკლუბო მუსიკის მოყვარულებს ფესტივალი ღამის ბილეთებსაც სთავაზობს.

Bedford Falls 
Tamada

პირველი დღის დამაგვირგვინებელი მომენტი,  მთავარი სცენის მთავარი არტისტის Tom Odell-ის გამოსვლა იყო, როცა მან სხვა ცნობილ ჰიტებთან ერთად ყველასთვის საყვარელი სიმღერა – Another Love შეასრულა.

Tom Odell

„ერთი რაღაცის თქმა მინდა, მე და ჩემი სამი მეგობარი  მთელი მსოფლიოს მასშტაბით ძალიან ბევრს ვმოგზაურობთ, ვუკრავთ მუსიკას და ამაში ძალიან გაგვიმართლა. ვფიქრობ, ჩვენ ყველა ერთხმად ვთანხმდებით, რომ თბილისი მთელს მსოფლიოში ერთ-ერთი  ყველაზე ლამაზი ქალაქია. ნებისმიერ დროს, როცა თქვენ მოისურვებთ, რომ ჩვენ დავბრუნდეთ, ჩვენ აუცილებლად დავბრუნდებით.“ – Tom Odell-მა Tbilisi Open Air-ის პირველი დღე სწორედ ამ სიტყვებით დახურა. 

ნახეთ Tom Odell-ის ვიდეო:

Share
Tweet
Share
Share
Share

Leave a Reply

წინა სტატია

ლადოს კიდობანი 

შემდეგი სტატია

Kaleo და Rejjie Snow Tbilisi Open Air-ის სცენაზე – მეორე საფესტივალო დღის მიმოხილვა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი