საკულტო მუსიკოსმა დაიანა როსმა, რომელიც 60 წელია Billboard-ის ჩარტებშია, The Music Legacy Tour-ის ფარგლებში კონცერტი Radio City Music Hall-ში გამართა. 79 როსმა დაამტკიცა, რომ დღესაც შესანიშნავ ფორმაშია. მან რამდენიმე სიმღერის მონაკვეთები ბენდის მინიმალური მხარდაჭერითა და ბექ-ვოკალის გარეშე შეასრულა.
„ხომ იცით, რომ 79 წლის ვარ,” – მიმართა როსმა მაყურებელს. „ეს კონცერტი აუდიტორიის მონაწილეობაა და არა ტელევიზორი, რომლის ეკრანსაც უბრალოდ უყურებ.”
კონცერტზე როსმა ბილბორდის ცხელი ასეულის ლიდერი სიმღერა Ain’t No Mountain High Enough შეასრულა. ასევე მისი კლასიკად ქცეული ოთხი კომპოზიცია – Come See About Me, Reflections, You Can’t Hurry Love და Love Child. გარდა მსოფლიო ჰიტებისა, როსმა ისეთი სიმღერებიც შეასრულა, რომლებიც, როგორც წესი, ტურნეების რეპერტუარში არ შედის. მან სამი კომპოზიცია იმღერა ფილმიდან Lady Sings the Blues და კიდევ ერთხელ დაამტკიცა, თუ რატომ მიიღო ბილი ჰოლიდეის როლის შესრულებისთვის ოსკარის ნომინაცია.
Როსმა მაყურებელს პანდემიის პერიოდში მისი ცხოვრების შესახებაც უამბო და მოუყვა, თუ როგორ გადაწყვიტა მისი 2021 წლის ალბომის Thank You-ს ჩაწერა. „ვიფიქრე: „თუ გარეთ სიარული არ შემიძლია, თუ თქვენ ამიკრძალავთ სიარულს, თქვენს ნახვას და გამარჯობის თქმას, მაშინ, იქნებ, სტუდიაში წავიდე და ახალი სიმღერები ჩავწერო”. და ასე გავაკეთეთ ახალი ალბომი, რომელიც თითოეულ თქვენგანს გეძღვნებათ. ეს მადლიერებაზეა. ალბომის სახელწოდებაც არის Thank You. მე მქონდა იმის შესაძლებლობა, რომ მივმხვდარიყავი, რა არის მნიშვნელოვანი ჩემს ცხოვრებაში და შევამჩნიე, რომ ძალიან ცოტა მჭირდება იმისთივს, რომ ბედნიერი ვიყო: მე უბრალოდ თქვენთან ერთად ყოფნა და ჯანმრთელობა მჭირდებოდა.. იმ დროს ჩვენ ყველანი ერთ მდგომარეობაში ვიყავით და ჩვენს მომავალზე ვფიქრობდით.”
The Music Legacy Tour-ის ფარგლებში დაიანა Როსი კიდევ ორ კონცერტს გამართავს აშშ-ში და შემდეგ ევროპაში გაემგზავრება.
